Running 燒 (已結業)

雞牛羊豬燒肉放題就聽得多，燒海鮮放題就比較少見。見到這間店舖罕有地包埋海鮮放題，作為海鮮控的我們，當然不會放過這個機會，加上見OpenRice好評如潮，決定到Running 燒一試。110分鐘燒肉放題，海鮮/雞/羊/牛/豬/香腸/蔬菜/麵/飯/湯/小食任燒任食。前菜三小碟芽菜泡菜海帶同埋清潔爐燒板的蘿蔔，這三小碟超級好食又開胃，我們後來還添加了這三碟前菜。傳統韓燒setting，我影完這張相之後，不消一會兒，已經全間鋪頭都坐滿人爆場，去之前記住要預約。多款自助飲品自取，驚喜的是竟然有兒時最愛的碧泉，市面幾乎已絕跡了。自助醬料，辣醬，麵豉醬和蒜蓉醬。不消一會兒，雞牛豬已經送到。醬汁牛肉五花肉賣相很好，十分吸引。腸仔豬皮豬耳等。我期待已久的海鮮，大蝦/帶子/扇貝/魷魚圈/龍利魚片/鯖魚。燒海鮮原來一D都唔容易，要好有耐性咁等燒熟。邊燒邊等期間周圍望下，有部電視機播緊韓圑MV，邊燒邊聽(G)I-DLE, IZ*ONE & TWICE 歌曲，韓國氛圍十足。各類牛豬肉，貼心地分開擺放，每一格只放一款肉。來一張大合照。醬汁牛肉五花肉賣相非常吸引，就先從這個開始燒起，味道棒棒的。各類雞牛豬燒肉都很鮮

返工呢排好悶，都係返工等放工，所以諗住見下舊同學，食餐飯咁，佢好鐘意食海鮮同Kpop，所以就試左呢間Korean bbq。一上到去就見到好特別既裝修，我自己幾鐘意呢種感覺，感覺幾舒服，有一種幾relax ge feeling，d 有number 既凳仔好似我細個係工廠返工暑期工果d，好有親切感。等左一陣位入到去啦，用膳時間係一百一十分鐘，所以諗住回本既我地要點左最鐘意食既海鮮先，呢度海鮮種類都幾多有貝類，魚類，蝦類。一般Korean bbq 都只會有魚同蝦。重點係呢度有生蠔叫呀。呢個一定唔可以錯過。話咁快就有海鮮食，一口氣把所有海鮮放係燒板上面燒，果種真係幾正。係呢個時候，我地都爭取時間，叫左小食同一個沙律。韓式炸雞幾高質，外脆內滑，幾juicy，唔會有一早炸起既感覺。至於炸鍋貼都唔錯，餡料幾足料，都有肉汁，唔會入面好乾，仲有我鐘意既炸魷魚鬚，都有返咁上下水準，的確係等海鮮燒熟時食既小食。沙律都幾大碗下，係兩至三人份量，可能同我地寫既人數有關，沙律菜望落去幾新鮮，食落去冇苦味，而dressing 呢係有小小辣既，雖然食唔出係用左咩sauce 去調出黎，但係整體感覺同沙律菜幾Match