敏華冰廳 (德福廣場1期)

营业中

休息中

今日約左朋友去參觀位於九龍灣機電署，所以我們約定在德福廣場食早餐。每次來到德福，我都會不其然的望一望這間冰廳，因為平時經過都見人頭湧湧，都想找機會來試下這裡的早餐。可能今天是星期六，早上沒有想像咁多人，故我就走去排隊，等了10分鐘，終於到我們。由於食客眾多，所以我們都快快點餐。朋友點了一個忌廉雞湯火腿通粉拼炒蛋配歐式軟多士。火腿通粉口感可以，忌廉雞湯濃郁，炒蛋好滑，多士厚而軟，好食！而我就點了沙茶牛肉公仔麵拼炒滑蛋配歐式軟多士，沙茶牛肉我覺得味道麻麻，公仔麵煮得還可以，唔會太腍，炒蛋好香滑，軟多士都烘得好好，又夠厚。餐飲是熱檸水和熱咖啡，熱檸水冇特別，熱咖啡朋友說唔夠香。其實味道同一般茶餐廳差不多，只是個炒蛋比較滑，但唔明點解會咁多人咁心排長龍。

星期六放假好悠閒，係德福試衫行左一整天，打算食埋晚餐再回家，賣衫的職員建議我食這間，原本上到來還有條人龍就無入去，我去左鞋舖遊圈，再回來剛好無人龍就試下啦⋯⋯ 我看了一下全場就參考了現場最多人点的食物～ 我叫了常餐-沙茶牛肉公仔麵拼雙腸炒蛋牛油厚多士，跟餐飲品要了養顏的熱杏霜🥰（好開心不用額外加錢）～其實就係一般茶餐廳食到的質素，沒特別好或特別差～ 但坐我對面的夫妻有点到黯然銷魂飯，佢哋是慕名而來吃這個飯，她說叉燒好淋滑，我反而比較期待下次來試這個飯～

睇戲睇到九點半，完場後已是飢腸轆轆，好多餐廳都已經last order, 好彩見到文華仲有開，就好敏捷地同女友衝入去了呢度門面夠光猛，裝修行高級茶記路線；又聽講有出名的菠蘿油，無奈今次太夜先黎幫襯，希望下次有機會黎試下叫左個A2餐俾自己，沙嗲牛肉食得多，沙茶就真係比較少食，味道係偏鹹再加少少甜味，用黎拌麵一流另外塊滑蛋係新鮮即製，夠哂熱辣辣，夾落塊厚多士食真係好滿足女友鍾意蕃茄又愛飲湯，呢個通粉就最岩佢喇！不經不覺佢飲左大半碗，話夠哂鮮味喎，飲完亦唔覺口乾，至於通粉同牛肉就被忽略了以宵夜黎講，呢度既水準的確唔錯，可以放入口袋名單