小王牛肉麵 (已結業)

放假就是可以任性來個飽肚的下午茶，然後9時後才下樓找晚餐地點。到了連城廣場已經9時半，若干餐廳都打烊，「小王」10時才「last order」，所以是此時的不二之選。筆者點的沙茶牛肉拌麵，「沙茶」在大眾的眼中與「沙嗲」不同，可是筆者就一向當它是同一種醬料。一般來說東南亞的叫「沙嗲」，會較辣，而福建、台灣的則較少辣、略甜。筆者鄉下是福建，「沙茶」的閩南語就是「sa-de」，所以其實發音和味道在筆者眼中都是大同小異。話說回來這個拌麵，「沙茶」汁的味道有點像大排檔的濕炒沙嗲河粉，但較濕，重點是味道不太咸，和著所選的(偏愛的)幼拌麵可以把汁吃光。牛肉不「鞋」口，較爽、彈牙。喜歡酸菜的亦可另外加附。內子選的牛腩麵，感覺貴了一點($62)，不過湯味尚算濃郁，牛腩亦十分入味、足料，喜歡牛腩麵的朋友亦可一試。一口鹽酥雞是兩口子點來「送」麵的，內子覺得較咸，甚至把它先過「湯」河再入口。筆者則覺得鹽酥雞必須要有咸香才好味，入口的雞外面香口，內裡嫩嫩有咬口，抵食！

小王牛肉麵一直都想試下，今次嚟到沙田行街，離開人山人海嘅新城市廣埸，到連成廣埸食野。成層有好幾間食肆，最後想食台灣野，等左一陣就有位。 大路嘅台灣食物都有，價錢唔貴，但有加一。 原汁牛筋麵，揀左粗麵。牛肉湯好鮮甜，無咩味精，原汁原味。粗麵彈牙，唔會太軟，有咬口。 一碗有五六件大大件牛筋，足料。有d 牛筋彈牙，有 d 就淋，但都夠哂味。仲有個配埋個酸菜好夾個麵，一流！ 沙茶牛肉拌麵就略為遜色沙茶醬同平時港式嘅不同，係甜甜地唔辣，所以無咁香口，只有幾塊牛肉，牛肉都係普普通通。 另外叫左個小食鹽酥雞扒，以木板上。哇，超大塊，大過隻手掌！ 皮薄而脆，雞肉好厚肉，都幾滑，係面灑上少小辣粉，夠哂寶島味！不過可能雞扒大厚中間個件雞有炸粉未熟透。