Boon (已搬遷) 新店位置

放假食好西，是常識吧見呢間餐廳都幾多好評，就訂位試吓。早上用openrice book，到餐廳竟然話冇booking好在仲有位呢個池魚沙律，配合漬蘿白食，幾清新個薯條正正常常個餃子感覺好油，所以就冇食作為油封鴨腿控，見到點會唔叫！整體不過不失啦⋯⋯兩碟意粉有驚喜，麵質，味道都好，下次必食不得不提呢度嘅芒果沙冰，正到唔記得左影

日本法國fusion菜比較少見，同埋係網上見到食物同環境相唔錯，於是決定試試佢~因為係Openrice book咗位，一去到就好快安排入座。環境同網上圖片一樣，用乾花襯托粉綠色嘅牆，非常柔和!枱數唔多，全間餐廳坐到大概20-30人，唔會好嘈，staff用咗其中一張大枱做工作枱，俾人一種chill得嚟但又時刻留意到客人需要嘅感覺!(當我同男友猶豫緊放啲袋係邊個陣，佢即刻拎多張櫈俾我哋~)食物方面，上菜速度快慢適中，質素亦唔錯! 雖然依個價位係觀塘工廈黎講算偏高，但食物同環境絕對值依個價

週一的午餐，想延續六日放假的氣氛，特意挑選一間位於觀塘APM側工廈14樓新開張的一間簡約風Cafe。一到門口，已經被門口的大型乾花束吸引！呢間Cafe主打法日料理, 係同區算係比較特別，觀塘區可以平價錢食到法日fusion菜，都算係大抵呀！由於我太遲食午餐，可能已經過咗午膳時間，客人不算多，環境幾清靜。喺觀塘區可以平價錢食到法日fusion菜，都算係大抵呀！Menu見到一般Cafe都食唔到嘅油封鴨腿，朋友話想試吓佢做唔做到法國餐廳既味道，所以就叫油封鴨腿，同埋香蒜辣蟹肉意粉，另外加咗個明太子薯條做小食。油封鴨腿有驚喜，鴨味濃郁，伴菜有海苔薯蓉，薯蓉好綿滑，加埋海苔都係第一次食，估唔到呢個配搭係幾正既！而蟹肉意粉算係每間Cafe都會有嘅食物，但都冇令人失望，飽肚抵食。另外，可能因為係法日料理，雖然餐牌寫辣，你食落口其實辣味唔重，岩哂我呢啲又想食蟹肉意粉又怕辣既人。👹至於呢個明太子薯條都正架，明太子不嬲都係大熱既食材，最正嘅係店主一啲都唔吝嗇，大量嘅明太子醬係重點，本身為咗影相，都放咗一段時間先食，但係薯條可以繼續保持香脆，唔會話擺下就淋咗，好岩做大家吹水伴碟嘅小食！最後埋單每個人都唔洗百