新興棧食家

营业中

休息中

《新興棧食家》愛魚人士 注意🙌佐敦一間好出名專食魚粥嘅老店，刁讚啲既部位都可以系到食到🐟魚咀，魚尾，魚雲，魚腩，魚鮫，魚骨，魚卜🤣!!!👧🏻好鐘食魚緊係要試下(餐廳以大排檔格局，街邊小店服務，衛生都麻麻)--魚卜粥($60)我系為左佢個魚卜粥先過嚟食🤣(想食嘅朋友 記得早啲嚟 好快賣曬)魚卜新鮮，一碗大概有8-9粒魚卜 都大粒 每件都爽脆無腥味完全!!!!碗粥上到嚟滿瀉，粥底較薄但啲米都錦，但好鮮甜嘅魚味!!!! 🐟爽滑魚皮($37)出面好少食到呢啲魚皮依架😿呢到都有!!!好耐無食超級超級爽脆!!!!!好好食，咬落去好爽 加埋蒽好好食🥺 🍝招牌炒麵($30)um....一般普通炒麵 味道正正常常 吾熱凍的，可以吾使叫 🥖油炸鬼 ($11)um...佢係剪開曬一碗，呢到應該無一條，而且淋嘅吾脆(想用嚟點粥都ok ge)總結：佢魚嘅產品都好出色，其他就麻麻 中意食魚可以過嚟試佢魚粥，其他都可以吾使叫，價錢都偏貴---(5🧸為滿分)賣相：🧸🧸味道：🧸🧸🧸環境：🧸🧸價錢：🧸🧸服務：🧸---新興棧食家地址: 佐敦寧波街23號地舖電話: 27838539

今日下午我們參加完朋友嘅party之後，大姨媽就話帶我們去一間食粥都幾出名喺油麻地寧波街嘅「新興棧食家」食晚飯！一坐低喺我們諗緊食啲咩嗰陣，見到任何魚嘅位置都有得食，有基本嘅：魚雲同魚腩之外，仲有魚咀、魚卜、魚尾、魚鮫、魚骨等等等等⋯⋯本來我們都想叫魚卜嚟食吓，但可惜已賣晒！所以我們就叫咗田鷄加魚腩粥、豬膶加魚腩粥、魚咀粥同田鷄粥，一嚟到我們就覺得碗粥好大碗同超多料，同埋仲有大量嘅生菜絲舖面，感覺非常「大堆頭」，而且仲可以無限添加，感覺真係好抵食，但有啲美中不足嘅係啲生菜絲加咗入啲粥入面就會出咗啲水，不過呢啲係小問題，唔緊要啦！至於粥底就煲得好綿，而且有好鮮甜嘅魚味，因所有材料都好新鮮，所以味道非常鮮甜，魚腩嘅肉質好鮮嫩彈牙，最好嘅係都幾厚身，而田鷄嘅肉質亦好結實彈牙，而且相當肥美大隻，至於豬膶就好爽滑，唔會有「臭壓」嘅味道！另外我們再叫咗豉油皇炒麵炒得都幾乾身，味道比較濃，但未至於好鹹！而油炸鬼就炸得都幾金黃酥脆！

今日去行街街，行到晚上十點幾有啲肚餓，行咗去油麻地新興棧食夜粥。我們兩個人叫咗魚腩粥，肉丸粥和油炸鬼，佢啲粥即叫即煮，所以好新鮮，魚腩粥勁多魚腩，魚腩煮得剛剛好，又滑又新鮮，啲粥好棉好鮮甜肉丸粥有好多肉丸，肉丸新鮮又好味，油炸鬼已剪好一粒粒食起嚟好方便，水吧位擺放咗薑絲，生菜絲，葱絲，唔夠可以自己去攞。新興棧係舊式粥舖，環境好懷舊，職員都好有人情味，係香港呢啲舊式粥舖真係越來越少，所以去開油尖旺都會去食吓粥支持吓，大家有時間都去食吓粥啦，佢啲粥真係又大碗又抵食嫁