南記海鮮飯店

营业中

休息中

上星期與朋友一起到三聖邨的南記海鮮酒家，因朋友住在九龍區，都不知道三聖邨是有海鮮食的，他們只知道在流浮山或西貢先有海鮮食，經我強烈推薦下，他們終於黎到！😂我們四個人，總共叫了9個海鮮🦞1）豉油王大蝦🍤2）粉絲豉汁蒸元貝3）陳年果皮蒸鮑魚4）蒜蓉粉絲蒸象拔蚌5）油鹽水花甲6）脆皮芝士開邊龍蝦🦞7）薑蔥炒蟹🦀8）豉椒炒蟶子煎米粉底9）砵酒煮蠔味道我都唔洗講咁多，一個字「正」，相信大家睇相都可以感受得到😝最後我哋4個人都係食得好滿足🤣

一早知道假期期間會勁多人, 早早訂定位仲要指定要坐室內(因為同老人家去食), 好在一早有依個決定, 因為當日既溫度有成30度 . . 之前都有黎過, 但人太多車位都full哂, 最後要泊到去行10分鐘腳程既地方先有位泊 . . . 幫襯左附近海鮮檔之後返黎加工再叫左幾個菜咁, 好飽, 但因為太多人海鮮變左等好耐 . . .同埋味道好似比平人冇咁好咁 ,  所以日後都係避免長假去幫襯 . . 今次食飯體驗因此比唔到笑樣 . . ..  

今日一家大細黎食海鮮，感覺良好，好不容易有四個10月之星，好好慶祝一番。朋友有介紹好幾間三聖食海鮮既店舖，隨意點選左呢間。可能我地係第二場先去食，所以都無咩海鮮揀，最後都有5鮮，3餸1湯，食到好飽，好滿足。燒鵝（例牌）：朋友果然無介紹錯，啖啖肉，皮脆肉滑。椒鹽鮮魷：炸到恰到好處，有鮮魷味。粟米魚肚羮：味道不錯，唔太稀唔太杰。金銀蛋白菜仔：可能不嬲食開金銀蛋莧菜，始覺得金銀蛋和白菜仔不太夾。豉椒炒蟶子：好鮮甜，辣度可好，肉質爽口。椒鹽瀨尿蝦：好大隻，好鮮甜。鹽水花甲：第一次食，大隻過蜆少少，肉質差不多。清蒸東星斑：蒸熟了些許，新鮮到連一才半囝囝都encore。薑蔥奄仔蟹：醬汁太濃烈，食到膩，好滯口。