La Rosabelle Bar & Grill (MONTEREY Place)

营业中

休息中

bookmark了這家歐洲宮廷風餐廳好久了！裝修復古典雅完全是我的菜🥰平日午餐時間人不算多可以坐在最美位置😍lunch set價錢大約$108～$228包是日餐湯/田園沙律及飲品，CP值好高整體不錯吃下次會再來🤎🍽Mussel Pot Served with Fries $168必點法式青口鍋，藍青口份量很足，目測超過20隻，配上濃郁的白酒忌廉汁，好吃到停不了口🤤🍽Grilled Spring Chicken with Fries $168烤法國春雞肉質滑嫩，味道相對清淡～🥂Prosecco + $55/glass

將軍澳海旁開咗好多新餐廳，間間都裝修好靚，好有異國風情La Rosabelle環境好有氣派，彷彿置身於歐洲古典大宅，氣氛浪漫，適合慶祝🔻法式青口鍋 $168青口好細隻冇咩肉，好多隻未開殼，忌廉汁太稀，薯條好幼，食落冇乜口感🔻白汁三文魚意粉 $158醬汁好Creamy，有少量三文魚粒，整體味道不錯，但份量較細，唔夠飽🔻炭燒紐西蘭牛柳 $248切開左感覺肉質不錯，但原來上錯左肉眼扒，即刻換返牛柳，叫五成熟切開好似全熟，同侍應反映都好好人幫我地轉返三成熟，但都係比較韌，要好用力切開，肉質較乾，有點失望🔻Fruit punch / Pina Colada兩杯都有陣藥水味，飲左1/3就唔想飲了🔻雙重朱古力撻 $78餐廳免費送比我地食勁多人生日，所有員工拎晒架撐過去每枱唱生日歌，每次都好大聲嚇死我地後尾請侍應幫手影相📸️佢問我地係咪生日，朋友講笑話唔係生日，但係咪都有蛋糕架？點知佢真係送個蛋糕比我地食，係今餐最好味嘅食物！

將軍澳海濱越嚟越餐廳進駐，由於環境清幽，所以吸引左唔少外國人嚟呢頭居住，可以係海邊chill住食嘢飲酒嘅餐廳當然唔少得啦！今次就帶大家去呢間人氣王餐廳食飯飲酒啦！。。🔘龍蝦意大利飯 | $198評分: 🌕🌕🌕🌕🌑評語: 龍蝦雖然比較細隻，但肉都唔算少，而且用炭火燒過，食落零舍有口感同風味。意大利飯好正宗，用上意大利米，令每啖都更加有咬感。。。🔘法式青口鍋 | $168評分: 🌕🌕🌕🌕🌑評語: 忌廉汁味道值得一讚！好香好滑！而應該有加入白酒嘅關係，令到每一隻青口都帶有微微酒香👍🏼而且份量好多，估計應該有二十隻以上。另外青口鍋仲配有炸薯條，薯條全部即炸，熱辣辣好好食。唯一不足餐廳應該係用上雪藏青口，解凍少少不足令肉質較實，不過總括而言性價比都好高👍🏼。。🔻海濱公園附近，好chill🔻另有outdoor座位，可以帶埋寵物過嚟推介指數: ⭐⭐⭐⭐

就朋友住嘅地方，尼到將軍澳食飯傾下計，但Popcorn嘅餐廳好似冇咩好食☹️所以行到尼南岸，食完餐廳再喺海邊坐下，其實幾舒服🥰🥰餐廳既環境絕對值得稱讚，有歐洲既餐廳感覺，而且價錢唔算太貴，食物質素都唔錯！食得出大廚既手藝。值得推介❣️🥳法式青口鍋一上枱嘅時候，賣相有驚喜❣️😍👏🏻 青口海水味幾濃郁，而且每一隻都好肥美，烹調時間剛剛好，所以入口軟滑* 建議每隻青口都先沾上香濃醬汁再放進口內，口感更香濃軟滑～👏🏻 薯條外脆內軟，表面已略有調味，就算唔點茄汁都已經幾好食～炭燒豬扒豬扒燒得表面非常香口，內裡很Juice，，質素非常高。豬扒烹調時間同樣拿捏得非常好。豬扒切開時，就會感覺到豬扒油脂分布平均，餐廳入貨質素的確有點心思👏🏻放進口內時感受到那種豬扒的油香，而且爽口質感，實在不錯🥰🥰

聽朋友講將軍澳澳南海岸開咗間新嘅法國餐廳，食物好味之餘價錢唔貴，今日經開將軍澳Popcorn，擇日不如撞日，就去品嘗一下法國菜。🤣🤣La Rosabelle 店內風格特式，環境舒服。雖然亦有室外座位提供，但我就俾室內嘅佈置吸引咗喇。😲😲法式青口鍋：青口配用法式醬汁煮，帶一點點酒香。青口份量好多，都差不多有三、四十隻，而且都鮮甜肥美。青口鍋另配上即炸薯條，份量同青口一樣都唔少，都幾抵食嫁。😋😋黑松露白汁帶子意粉：宜家好多西餐廳都上黑松露/松露油，而且好似好驚食客投訴唔夠味咁，會落勁多落去。😖 La Rosabelle就處理得幾好喇，黑松露剛剛好，味道無搶咗出嚟蓋過其他食材嘅味道。起初以為得面頭一隻煎帶子，原來成個意粉係切片嘅帶子，近乎每一啖都可以食到帶子，好滿足呀。🥰🥰

將軍澳海濱長廊，不但景色優美，還有多間露天餐廳，La Rosabelle 就是其中一間，裝潢非常高雅，帶點古典味道，進入餐廳裡面，最深刻印象就是牆邊的樓梯、歐洲式的壁畫和充滿動感的壁爐，仿似置身歐洲，感覺挺好的。二人點了法式青口鍋$168和燒羊排配薯蓉$228，兩款的賣相都非常精緻，青口味道鮮美，配脆卜卜薯條，又香又惹味。羊排上檯時，我們已經聞到香噴噴的炭燒味，未食前，都總係認定羊一定有點羶味，但配埋有香草的嘅醬汁和薯蓉，味道不錯。餐廳環境氣氛都很好，服務員態度良好，下次再來會選擇夜晚，因為晚間天氣較涼，可坐露天座位，應該會更加有情調。

今日難得放假，我同女友由康城踩單車到將軍澳食午飯，今次踩左去澳南海岸嗰邊，澳南海岸離將軍澳地鐵站好遠，步行既話大約需要十分鐘路程。不過大部份餐廳都面向海景，而且餐廳以西餐廳為主。恍如身處蘇豪東既感覺，最後我同女友入咗間叫La Rosabelle Bar & Grill既餐廳。餐廳既裝潢以木為主，傢俬亦係深啡色，散發一陣古典氣息，令我有一刻以為入咗英國既Pub。- 法式青口鍋青口鍋份量多，目測有二、三十隻左右，青口烹煮嘅時間恰到好處，味道鮮甜肥美，不過大小不一，細隻青口無乜口感。除左蒜蓉同忌廉外，餐廳仲加左蕃茄嚟整嗰忌廉汁，味道更有層次。- 美國安格斯肉眼牛扒12安士肉眼扒大件到真係「嘩」一聲，表面既格仔紋好吸引，生熟程度啱啱好，最正係肉眼扒無咩筋，啖啖肉，仲有少少炭燒既味道。每一道主菜都附送薯條，分量太多，所以我同女友合力都只能夠食完一盤。La Rosabelle肉眼扒真係非常深刻，一份夠兩個人食！即使距離將軍澳地鐵站好遠，我認為值得一試。

將軍澳海濱有不少西餐廳，這家餐廳最吸引我的地方就是餐廳的裝潢。餐廳設有露天茶座和室內用餐空間，餐廳裏面真的很夢幻，深棕色的木質地板配搭暗紅色的木牆，牆上掛著許多歐式油畫，綴以水晶吊燈，還有懷舊的梯級，坐在餐廳裡面，我還以為自己去了義大利旅行呢！由於下午時段，我們只點了一些小吃。⭐️特級煙肉芝士牛肉漢堡配炸薯條$158漢堡包很厚，夾層有煙肉、芝士、番茄、蔬菜和牛肉漢堡，麵包烘得酥軟，可是牛肉入口較鬆散，肉汁可以再豐沛一點。最出色一定是粗薯條，炸得乾淨，沒有一滴油，粗薯條入口香脆，味道很棒！⭐️法式青口鍋$168青口份量不少，一隻隻青口堆砌在盤上，另有還有一盤薯條。雖然青口比較迷你，但配上奶油醬汁，味道不俗。▫️環境實在很不錯，看得出落重本在裝修上，食物不過不失，但可以做得更好。