La Rosabelle Bar & Grill

营业中

休息中

今日难得放假，我同女友由康城踩单车到将军澳食午饭，今次踩左去澳南海岸𠮶边，澳南海岸离将军澳地铁站好远，步行既话大约需要十分钟路程。不过大部份餐厅都面向海景，而且餐厅以西餐厅为主。恍如身处苏豪东既感觉，最后我同女友入咗间叫La Rosabelle Bar & Grill既餐厅。餐厅既装潢以木为主，家私亦系深啡色，散发一阵古典气息，令我有一刻以为入咗英国既Pub。- 法式青口锅青口锅份量多，目测有二、三十只左右，青口烹煮嘅时间恰到好处，味道鲜甜肥美，不过大小不一，细只青口无乜口感。除左蒜蓉同忌廉外，餐厅仲加左蕃茄嚟整𠮶忌廉汁，味道更有层次。- 美国安格斯肉眼牛扒12安士肉眼扒大件到真系「哗」一声，表面既格仔纹好吸引，生熟程度啱啱好，最正系肉眼扒无咩筋，啖啖肉，仲有少少炭烧既味道。每一道主菜都附送薯条，分量太多，所以我同女友合力都只能够食完一盘。La Rosabelle肉眼扒真系非常深刻，一份够两个人食！即使距离将军澳地铁站好远，我认为值得一试。