嘉多娜餅屋

营业中

休息中

泡芙布甸包 ，(3分/5)看店外寫是12：30及3：00pm 會新鮮出爐的，那天2時許到了佐敦，看看運氣有沒有。結果幸運地也買到了。吃了幾口，外層比較有點煙韌，而不是脆口那種，內面不太甜，似個大大的泡芙。法式布甸包  ，(3.5分/5)這種法式布甸包，在其他麵包餅店也吃過多次，感覺是差不了遠，也可口。菠蘿包 ，  (2分/5)個子細小，很明顯一看就見，比平常一般麵包餅店的小。但質地還是可以的，菠蘿皮不脆，鬆散，易掉下！

「希望所有的事情，都像長胖一樣簡單🐷」🍮 泡芙布甸包 $20外皮脆卜卜，內餡非常幼滑，有少少雲呢拿香味，唔會太甜🥛🥚一個切開四件，食頭兩件都仲覺得好好味，但到後來就覺得個餡有啲太多🙊 都係鍾意食平時買到嗰種，脆皮多多餡少少嘅泡芙多啲 （利申：我口味不嬲怪怪的，食pizza都鍾意食批邊🍕🤪）⏲因為拎返屋企之後有雪過，所以按指引只用180度焗兩分鐘，個餡並無流心，影完相之後要翻焗⏲🥖 法式布甸包 $15再食依然係驚為天人咁好食🤯 個餡又香又滑，其實就似泡芙餡嘅實淨版🪨 可以𢳂出嚟食，更好嘅食法當然係不顧儀態，擘大口連埋個焗得脆脆嘅法包一齊咬，既有冰火(?)嘅口感，又可以中和吓個餡嘅膩🤤上次朋友送咗兩個畀我，建議一冷一熱咁食，我試咗一啖凍食，就嗱嗱臨拎去焗，因為法包腍咗真係差啲🥴整體嚟講，都係店舖起家嘅法式布甸好食啲🤔

嘉多娜嘅布甸包曾經日日排晒長龍，雖然依加無咁難買，但都keep住限量製，我試過兩次食完晚飯去佐敦店買都仲有！不過早喺布甸包推出前已經食過唔少何文田分店嘅包，最印象深刻係佢哋嘅炒蛋包，做早餐超正！•🥢 泡芙布甸包 $20泡芙係遲過布甸包推出，而且前排都推出過開心果味，但暫時未撞到有😢 雖然都係叫布甸泡芙，但入面嘅內餡係比較流質，似吉士醬多過布甸，同布甸包內餡有啲分別，吉士醬食落蛋香同奶香都出啲；泡芙皮帶點牛油香，拎返屋企即晚食都仲有少少脆，只有個底淋咗少少🤏🏼•🥢 法式布甸包 (原味/朱古力) $15 簡單啲講就係將布甸放入圓法包，但食落外脆內軟，一啲都唔普通！法式布甸可以凍食/熱食，兩種都試過，但鍾意焗返熱食多啲，因為焗返熱布甸部分會流心啲，而且外層法包都會脆啲！凍食嘅話外層嘅法包就唔脆而係比較韌🙈 布甸部分其實佔咗個包嘅8-9成容量，味道稍為偏甜，但可以接受～而朱古力味並唔係成個朱古力味嘅布甸，而係4份之3嘅原味布甸加一層厚厚嘅比利時朱古力醬/布甸(?)朱古力味濃郁得嚟帶輕微嘅苦味🤤 仲可以稍為中和返原味布甸嘅甜味，不過亦都會蓋過咗布甸嘅蛋香味喇🫢 朱古力控一定要試朱古力味啦🍫

嘉多拿果然繼續超水準嘅表現,泡芙布甸包外脆內軟,外面有D似菠蘿包個皮咁脆脆地,牛油蛋香十足,最正係入面個布甸吉士餡,超飽滿呀!🫓撇開一半,嘩個餡多到漏出來呀!勁正呀！ 個餡好香滑之餘,仲一D都無過甜,甜味剛剛好,最啱我呢D鍾意小甜嘅人.出爐表面暖暖地,布甸餡凍凍地!當甜品食一流呀！ 🍮布甸包日賣500個,只有佐敦舖有得賣.每人最多只可以買4個.一日出爐兩次,分別係中午12：30, 下午15：30.買哂就無喇！

呢一兩年超hit嘅法式布甸麵包熱潮好似仲係未減退🤣不過而家坊間好多麵包舖都有做當然質素都好大差別🫣之前曾經介紹過嘅呢間無添加麵包店 嘉多娜我諗大家都唔會陌生食過佢嘅布甸麵包都唔錯🤤出咗泡芙布甸得佐敦分店有得賣呢日襯住放假就去碰下運氣🤓泡芙布甸包同樣都係固定時間出爐暫時只限佐敦渡船街分店多數下午12:30同3:00出爐當日平日下午1:15左右去到都貨源充足❣️泡芙布甸包拎上手都幾墜手！自己拎咗返到就常溫食一咬落去啲餡已經爆曬出嚟🤣🤣本身以為會係布甸企身啲嘅質感冇預計到原來係超級無敵流心😹真係唔太建議係街食因為真係會食到好呢hea🤣泡芙皮保持到微脆裡面嘅布甸餡係好食嘅🤤同布甸包一樣味😻好有奶香 又帶啲焦糖味❣️蛋香就冇咁重食落唔會太甜如果再嚟我都會再encore😎🤟🏿法式布甸咁啱嗰日去到都有布甸麵包唔執輸嘅我梗係買埋😻估唔到一年前食到而家都冇加到價🥹更加要支持下🤟🏿上次食嘅係油麻地分店今次食佐敦店嘅布甸包感覺有啲唔同先講味道就一樣咁好食布甸嘅蛋香同奶香都好足🤩不過口感上油麻地店嘅布甸包比較似雙皮奶咁而佐敦店就似mousse狀態前者就滑溜啲 後者就偏綿滑個人鍾意油麻地嗰款多啲🤪法包口感比上次食進