平成 (已結業)

和風居酒屋@尖沙咀依間居酒屋喺棉登徑，唔係好大間鋪，反而更加有日本小店 feel。水泥牆既簡約又有型，菜式好多種類，好唔錯～去居酒屋點日本生啤是常識吧，一點完店員即時喺啤酒機斟出嚟，味道甘香。原本酒泡係豐盈啲，不過我飲咗先影相，哈哈！泡菜炒五花腩比較濃味，充滿泡菜嘅酸辣。五花腩份量豐富，炒得惹味，送我杯生啤就最適合不過。大阪燒中間有牛肉做餡料，厚度適中，上面有超多美乃滋同紫菜！底面都有脆脆嘅口感，好食～雞肉好嫩滑多汁，醬油提味得嚟唔會過鹹，兩者好夾。大蔥切細一齊炒，入味之餘幾爽口。以平底煎鍋端上非常熱辣辣嘅芝士蔥蛋餅，蔥花多到不得了，賣相好吸引。蛋餅嘅芝士味幾濃，好似同啲蛋融合埋一齊咁。鰻魚丼都係加咗芝士去燒，火候啱啱好，燒得好靚！鰻魚軟滑好味，絕對冇畀芝士蓋過呢，整得好出色。

又來了尖沙咀棉登徑吃晚餐，是夜選了一間溫馨的小店吃日本料理，店內裝潢充滿著濃濃的和風，播放的也是懷舊金曲~ 大衣可以掛在牆上前菜先點了一份紫薯沙律，香甜軟懦，吃起來還有紫薯的顆粒芝士蔥蛋餅用鐵板盛著，上面灑上大量的香蔥，芝士的份量也是超多，半溶呈拉絲狀，每一口都是濃郁的芝士味，很滿足醬油大蔥炒雞啖啖肉十分juicy，醬油味道香濃，和肉類配搭得宜泡菜炒五花腩也是最佳拍檔，吃一口那舒服的辣味讓人十分滿足，辣度剛好很惹味沒想到這裡有大阪燒，所以點了一份牛肉大阪燒，趕快來趁熱吃～滿滿的醬汁和紫菜，拌麵糊和餡料來吃，令香氣更濃郁。是日重點就是這份三重芝士火山鰻魚丼一尾，一尾鰻魚的份量，刷上醬汁來燒，油亮色澤著實誘人。肥美的鰻魚肉質細緻軟嫩，水準不錯，加上炙燒過的芝士，超好下飯的！飲品方面點了荔枝乳酸梳打和柚子乳酸梳打，冰爽解膩