樸生 (已結業)

今日路經青衣城見到有一間新開嘅韓國餐廳，裝修幾靚仔，而且係分兩邊，一邊係素食半自助餐，一邊就係好特別嘅韓國野。對於我呢個食肉獸，當然就係揀散叫果邊。打開menu，好多選擇，咩都可以自己揀。先點個傳統石頭鍋飯，揀左春川辣雞，仲可以加配其他配料，我地就加左粟米同菠菜。韓式傳統又點會少得炒粉絲呢，所以叫左個豬肉炒粉絲呢D澱粉質嘢。潮流興食炸雞，我地都叫返一座炸雞山先（青檸牛油果麻藥炸雞），再加一個泡菜芝士豬肉卷，同埋一個牛蒡凍豆腐。食咁多炸嘢，飲品就叫返杯健康嘅羽衣甘藍沙冰。（沙冰應該都係健康，除非唔係）石頭鍋飯熱辣辣，再加韓式辣醬，撈一撈，攪一攪，非常好味，咁多蔬菜好健康。辣豬肉炒粉絲唔會太辣，味道啱啱好，粉絲好彈牙，只係略嫌豬肉肥了少少，無咁健康，但其實好好味，好邪惡。極度邪惡嘅炸雞山出場。炸雞外脆內滑，牛油果醬好特別，帶少少酸味，同炸雞好配合，根本唔洗再點佢配嘅韓式辣醬，己經好夠味。泡菜芝士豬肉卷其實外面係腐皮，裡面有芝士泡菜豬肉，非常好味，腐皮好脆，裡面仲有肉汁同芝士，唔會好乾。鍾意食辣嘅，可以點埋辣醬，更加惹味牛蒡凍豆腐根本見唔到豆腐，一大堆牛蒡蓋住了豆腐。牛蒡係一樣好健康嘅食品，

本間店舖都幾有Go Green的主題, wooden & 葉子的裝飾, 不花巧, 每個桌上都有一個爐, 唔知用黎食乜架呢.MENU上有基本的拌飯, 麵食, 冷豆腐, 炸雞, 煎餅, 人蔘雞等等. 凍飲及甜品的相片也好美呵!青檸牛油果麻藥炸雞 ($148) - 一共六件炸雞, 外皮炸得好脆, 濃濃的青檸香味, 再加上牛油果醬(較為咸)的咸香味. 牛油果醬上還灑上了好多果仁粒粒, 好有口感. 炸雞無咩骨架, 雞肉都算JUICY, 仍有肉汁及夠嫩.海鮮香蔥煎餅 ($98) - 超級多蔥呀! 仲有好大隻的蝦, 魷魚, 青口, 粉醬較少, 剛足夠煎餅, 唔會食到成日粉真係VERY GOOD! 食落唔油, 感覺好健康同BALANCE, 十分好!泡菜芝士豬肉卷 (66) - 極大件的炸物, 一碟5件, 入面係用了紫菜卷住豬肉片再卷住芝士及泡菜, 味道少少辣, 好有咬口, 真係好大件!人蔘雞鍋 ($158) - 大大隻雞!!! 原來內有乾坤, 入面仲有滿滿的糯米, 完全吸收了雞味及藥材味, 仲有原支人蔘, 杞子等等, 個湯味道濃郁, 呢個鍋真係超抵呀!另外飲品真係值得一試, 玫瑰茱莉花荔枝冰茶 (48

青衣城開左新鋪，懷著好奇的心帶著屋中老佛爺去嘗下新鮮。翻開餐牌，菜式繽紛，五花八門。需要時間慢慢揀，于是我地先叫左兩杯野飲。👉🏽羽衣甘藍雪梨沙𣲙雪梨清新的甜味令人更容易接受羽衣甘藍的菜味，非常爽口解渴，即美味又對身體有益。👉🏽荔枝玫瑰茉莉花冰茶玫瑰花味濃郁，倒入細杯同荔枝同飲，絕對不奪荔枝的果香。正！我地點左一份年糕，揀左粟米豆漿醬汁底，豬肉，蝦，南瓜，金針菇，另加芝士。枱上有個電磁爐，年糕鍋需要再加熱五分鐘先可以食得。幾分鐘過去了，湯底芝士同配菜開始混合在一齊，年糕就需要再煮多一陣，痴住芝士粟米豆漿湯底的年糕別有一番風味。👉🏽韓式鐵鍋飯賣相吸引，十分有韓國特色，顏色搭配令人食欲大增，我地揀左香辣豬肉，粟米，冬菇，豆乾。澆上五辛甜辣醬，再拌勻，一道韓風潮流鐵鍋飯就完成了。味道同在韓國食的差不多，份量好滿足。👉🏽海鮮香蔥煎餅，大蔥系主角，賣相的確不錯，有蝦，魷魚，青口，餅薄脆，口感層次豐富，fusion 有特色，不過味道有少少淡。所以要點埋甜辣醬一齊食。👉🏽炸腐皮芝士卷我地揀左泡菜芝士豬肉口味。呢款小食極值得推薦！韓風特色，芝士泡菜豬肉系極之完美的組合。雖然有小小熱氣，但好難令人抗拒。咬