Three on Canton

3.5

592 食记

味道

环境

服务

卫生

抵食

76303

尖沙咀

$401-800

多国菜自助餐早午餐酒店餐厅咪嘥嘢食店無翅餐廳

复制到剪贴板

283

102

资讯:
餐厅:	Three on Canton

为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。

详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign

波士頓龍蝦

2 已推介

奧志雷

等级4

2.1K

以為港威酒店係港威大廈，搵到我身水身汗濕淋淋，人家人生路不熟。White wine，三人行每人飲支半白酒係正常不過的事，不醉無歸，飲勝﹗

愛爾蘭石蠔、法國生蠔，掛住食忘記食前拍照留念﹗兩者味道鮮味質地達標，不過平庸悶象的沒什麼驚喜。細細薄薄滑滑嫩嫩，天然海水咸配鮮蠔的甜。小龍蝦，真身為淡水螯蝦，是活生生的真蝦，不是謠言所稱係蟲。小龍蝦都係麻辣烹週才吸引，白灼或牛油完全吸引不到我，食到沒精打彩不是味兒。

冷蕎麥麵，坐低立即來兩碗冷蕎麥麵打打底。冷蕎麥麵沒冰鎮，接近室溫享用，麵條偏濕而發脹，爽彈度不足。只提供蔥花、芝麻、蒜酥調味，單調低沉的味道。我最愛豉油、蘿蔔蓉、紫菜碎、山葵、薑蓉混合，超級醒胃醒腦香噴噴﹗

泰式燒牛肉沙律，硬掘掘乾爭爭的牛肉，差少少假牙都跌出黎﹗凍冰冰酸酸甜甜。海南雞，由七點望到九點都唔見有新雞再出場，已被強姦到體無完膚、亂七八糟，只有雞頭雞尾雞背脊。就算唔補貨都安排同事執返靚仔執返好個賣相，肉酸到好似人家食剩，完全唔會有食客有食慾去試。

法式海鮮湯，懷疑係原條三文魚連骨連皮擱淺係個煲度，旁邊仲有龍蝦、青口、甘筍絲點綴。番茄味濃有少少魚腥味，其實離遠已聞得到腥味，淺嚐一呷微暖不熱。清蒸多寶魚，如果新鮮出爐應當嫩滑甜美，但保溫了段時間已變得鞋烚烚，唯一可取係啖啖肉大大舊。而且索盡豉油有點咸，其實豉油不如讓食客自己另上更好啦。

泰式湯麵，全部麵搣到碎濕濕，就連出前一丁都要粉碎，見到都唔想食。松葉蟹，細細條瘦猛猛的腳，奀挑鬼命沒什麼肉﹗過熟蟹肉有點粗糙有點乾不嫩滑。珍珠蜆，瘦削扁平不肥美，好采味道夠鮮。波士頓龍蝦，雖然不算鮮嫩爽彈，起碼啖啖肉有蝦味有甘甜蝦膏。半殼青口，比蜆好食得多，彈彈的有海水味，清甜蜆肉富彈性。翡翠螺，平凡普通，勝在夠大。

三文魚刺身、吞拿魚刺身、油甘魚刺身，淡淡然的魚甜味及魚油，不過不失。八爪魚，此道最好味﹗爽脆兼咸香出眾，其他三款悶悶的。蒜蓉蒸魚塊，腍成一劈漿糊，無味魚蓉有強蒜味帶微酸。泰式炒麵，微暖發脹濕濕味淡單調。凍海蝦，雖有點過熟，合格爽甜有汁。螺片小棠菜，帶澀帶生水味小棠菜，腍腍充滿蠔油味的螺片。

羊腩煲，沒有味道的羊軟骨，瘦肉散開，切得薄薄。海底椰燉鱷魚肉湯，味道濃郁有點濁，飲得過但欠鮮味。蘿蔔牛腩湯，油油黏嘴潤喉潤唇，牛味濃郁可口。烤牛肉，幾乎全熟﹗食落嚥韌免強還趙到，牛味不錯，肉汁也不錯。燒羊架，肥到嚇親朕﹗我只食到三份一的瘦肉，免免強強。

焗火雞，我同後生仔廚師講話想要火雞髀，您整隻比我便可以了，不用分開上髀下髀啊﹗最後都只係比我下髀。火雞皮好咸食唔到，最外層雞肉乾硬要咬掉，只有深層淡口白雪雪嫩肉食得到，還嫩嫩的呢。鵝肝多士，硬實的肝似鴨多過似鵝，韌韌的多士有點刮嘴。片皮鴨卷，乾爭爭的皮，硬柴柴的肉。

熱情果芝士蛋糕，連我唔鍾意食甜品既都讚﹗芝士飄香幼滑，真心好味道，我以前都有訂過。藍莓千層蛋糕、朱古力咖啡慕絲，甜品真的出色有睇頭，不容置疑。鮮芒果拿破崙蛋糕，夾到爛晒亂七八糟唔敢食，炒到成堆垃圾咁款那有食慾。其實唔補貨、換新貨都無緊要，環保不要浪費食物麻，但最基本都要安排同事將食物執得整齊靚靚賣相美觀先吸引到食客，對嗎？

葡撻，陣陣蛋香氣襲來，好想食呢﹗但不可以浪費空間，係我胃部的容量。朱古力噴泉火鍋，配各類鮮果，不感興趣。芝士火鍋，我一向都沒怎樣興趣，雖然有腸仔、有炸雞、有炸魚手指，不是全部都是素菜、麵包、薯仔。見到不少甜品或蛋糕係市面上都有得買，而且我間法國餐廳都有訂呢﹗味道、外觀及質素真的很高。