金麥泰泰國菜館

营业中

休息中

九龍城出名泰國嘢就大家都知，但係食過唔少都其實味道一般，而且好多都好貴。今次喺openrice搵到呢間，睇餐牌好平喎，就去試吓。一去到，樓下已經坐滿，經隔離唐樓樓梯上一層仲有好多位，而且冷氣夠，唔會食到出晒汗椰青 $32好清香，好甜，不過有少少太熟生蝦刺身 $98一上枱覺得有啲古怪，啲冰竟然係放喺啲蝦上面，而唔係下面，不過個生蝦刺身就好好食，有口感，又香燒豬頸肉 $88燒得好香，肉又軟熟，有焦香味，好食炸蝦餅 $78炸得好脆，有蝦膠蝦肉，好香串燒牛肉$48 3串，豬肉$45 3串，雞肉$45 3串豬肉有少少鞋，雞好嫩，牛都香，全部都入味乾炒豬肉河 $58啲河粉好碎，豬肉比較鞋，但炒得乾身全部啲價錢都好平，好抵食，味道都唔錯

港鐵貫通到九龍城確實交通便利，三分鐘路程就到依間餐廳，地點方便就腳。價格親民，可以試試。 泰式柚子沙律 $58大量柚子食落相當健康，混入泰式醬汁好開胃，仲有不少花生碎增加口感。 冬蔭功湯 $75冬蔭公湯分大、中、小，揀小都夠分到4碗。味道不會太辣，好易入口，有兩隻海蝦、菇菌及不少香料，好味好味。 泰式串燒 $12x4逐串點，點幾多由你話事，唔洗下下半打半打上，雞豬各兩串，啖啖肉食落夠滿足，沙爹汁好味。 泰式辣椒蒜蓉蓉青口 $76青口八隻大大隻，醬汁香濃但唔會過辣，一隻接一隻食唔停口。 即制芒果沙冰 $28味道清甜，甜度偏低，大大杯夠晒解渴，飲晒都唔覺好甜。 泰國空運燕窩 $38香濃椰汁味，燕窩啖啖有咬口，細細碗食到飽飽作為完美句號確不錯的。

食西餐、台灣菜、日本菜食到悶悶地時不時都會想食下泰國菜😛價錢親民得嚟 又選擇多清新口感到辛辣刺激都有齊係個唔錯的選擇😆今次揀呢間餐廳係老字號 試下水準係唔係依然維持到先～🔹泰式生蝦刺身｜$88生蝦刺身有六隻，咬落爽口新鮮，配上蒜片同生蝦醬汁簡直一流🤤泰菜必點！🔹泰式串燒牛肉串燒($14)和豬肉串燒($12)各點要兩串，肉質結實得嚟唔會好韌，醃肉加上沙嗲醬汁味道啱啱好。🔹泰式生菜包 ｜$68微微辣的豬肉碎，用生菜包住一啖放入口，每啖都係滿足的感覺☺️ 肉碎唔會太肥膩，整體偏清啖。個人認為辣道加強會更開胃🌶🥰🔹泰式菠蘿焗飯｜$75半邊原個菠蘿🍍裝著焗飯送上枱，打咭一流📸相當有泰國風情♥️ 飯粒先炒起，加入腰果和大蝦🍤焗香，最後加上肉鬆上菜。香噴噴的菠蘿甜味加上大大份，性價比高！🔹泰式蒜蓉炒椰菜苗｜$68平日食泰國菜通常都會點椰菜苗，咬落十分爽口，甩蒜蓉炒不會掩蓋本身椰菜苗嘅香氣。🔹芒果糯米飯｜$50食泰國菜又點少得食甜品—芒果糯米飯🥭 甜甜酸酸嘅芒果，配上一口充滿椰香嘅糯米飯，口腔內充滿着幸福嘅感覺☺️ 推推～

九龍城嘅泰國菜館開到成行成市，而自從屯馬線開通之後，去九龍城就更加方便，今日朋友就揀咗呢間金麥泰泰國菜館。都係果句，去食泰國菜一定要叫泰式炸蝦餅，而呢度嘅炸蝦餅我夠膽講係我食過嘅泰國菜館之中最抵食嘅一間，冇諗過呢個價錢可以有足足12件，而且係新鮮炸起，粒粒彈牙，性價比極高！泰式串燒價錢都唔貴，仲可以逐串揀，任你組合，我就揀咗雞全翼($18)、牛肉($14)、豬肉($12)、雞肉($12)，我自己就覺得雞翼同雞肉最好食，而佢嘅沙嗲醬都好香好夾。其實我本人次次淨係識叫菠蘿炒飯，今次係第一次試泰式椰青焗飯，原來係咁好食，炒飯底入面有海鮮同三色豆，而且已經混入咗椰漿，面層再有充滿椰青肉嘅厚厚一層椰漿，稍稍焗過之後再灑上豬肉鬆，真係啖啖充滿椰子嘅香味，而且仲要好大份，入面嘅炒飯真係深不可測，好不容易先挖得到落底部，呢個椰青炒飯絕對值得一讚！泰式馬拉盞通菜辣度適中，份量十足就唔使多講，混入咗馬拉盞嘅通菜十分香辣，非常惹味。雖然唔算好辣，但始終食辣嘢就會想飲吓凍飲，叫咗珍多冰($22)同龍眼冰($20)，兩杯飲品都真材實料又唔會太甜，食咗辣野飲番杯真心正！食泰國菜甜品揀芒果糯米飯是常識吧，呢度嘅芒果