金麥泰泰國菜館

营业中

休息中

九龙城嘅泰国菜馆开到成行成市，而自从屯马线开通之后，去九龙城就更加方便，今日朋友就拣咗呢间金麦泰泰国菜馆。都系果句，去食泰国菜一定要叫泰式炸虾饼，而呢度嘅炸虾饼我够胆讲系我食过嘅泰国菜馆之中最抵食嘅一间，冇谂过呢个价钱可以有足足12件，而且系新鲜炸起，粒粒弹牙，性价比极高！泰式串烧价钱都唔贵，仲可以逐串拣，任你组合，我就拣咗鸡全翼($18)、牛肉($14)、猪肉($12)、鸡肉($12)，我自己就觉得鸡翼同鸡肉最好食，而佢嘅沙嗲酱都好香好夹。其实我本人次次净系识叫菠萝炒饭，今次系第一次试泰式椰青焗饭，原来系咁好食，炒饭底入面有海鲜同三色豆，而且已经混入咗椰浆，面层再有充满椰青肉嘅厚厚一层椰浆，稍稍焗过之后再洒上猪肉松，真系啖啖充满椰子嘅香味，而且仲要好大份，入面嘅炒饭真系深不可测，好不容易先挖得到落底部，呢个椰青炒饭绝对值得一赞！泰式马拉盏通菜辣度适中，份量十足就唔使多讲，混入咗马拉盏嘅通菜十分香辣，非常惹味。虽然唔算好辣，但始终食辣嘢就会想饮吓冻饮，叫咗珍多冰($22)同龙眼冰($20)，两杯饮品都真材实料又唔会太甜，食咗辣野饮番杯真心正！食泰国菜甜品拣芒果糯米饭是常识吧，呢度嘅芒果