阿叔泰麵 (積信街) (已結業)

喺大圍嘅一個轉角位搵到呢間阿叔泰麵，主打泰式船麵同埋經典泰國美食、餐廳內嘅裝修色彩繽紛，又播住輕快嘅泰文歌，充滿泰式風情～阿叔船麵(牛)💰HK$72牛骨湯湯底濃郁鮮甜，特別之處係有埋花生同埋蒜茸嘅香味！牛腩同牛丸份量多，金邊粉口感咬落去麵質比較煙韌，掛湯能力亦好高～阿叔船麵(豬)💰HK$70薄豬肉片同豬肉丸都充滿豬肉嘅香甜味，同濃郁鮮甜嘅牛骨湯湯底好夾！粉絲掛湯能力高，吸收晒湯底嘅精華！另外仲有炸豬皮、通菜同埋芽菜增添成個船麵嘅口感～炸蝦餅💰HK$92蝦餅外酥脆內彈牙，而且蝦味濃郁，味道好出色～泰式奶茶💰HK$28泰式奶茶味道正宗，煉奶味香濃，令奶茶口感更絲滑～

前排成日外賣呢間人氣船麵，今次終於入去坐低食啦 👍🏻 當然，熱辣辣咁食更好食啦! 呢到裝修好有特色，價錢又親民，唔怪之得長期都咁多人啦牛肉船麵 📍＄60湯底牛味濃，香料味重，材料都好豐富 卡 有彈牙牛丸，炆得好淋嘅牛腩，同炸得好脆嘅豬皮蛋炒咖哩蟹肉飯📍＄68咖喱味好出，唔係好辣，好啱d唔食得辣嘅朋友，而且好多蟹肉，啖啖都有，好滿足炸蝦餅📍＄72外面炸得金黃色，脆卜卜，入面咬落就夠晒彈牙，酸辣醬令到蝦餅好開胃泰式奶茶📍＄24傳統泰式奶茶，茶味濃得黎又唔會太甜，奶味又夠香

🐮牛肉船麵（金邊粉）$58 (8/10)⁣湯唔同一般船麵咁有香濃香料味😗😗，清澈嘅湯底反而有少少似台灣牛肉麵，味道鮮甜，牛骨湯味重，絕對可以成碗飲哂😛😛。金邊粉軟硬適中，食到好有米香。⁣配料牛丸細細粒，鮮甜多汁💦；牛腩大大舊有咬口，肉味足夠。一啖接一啖，雪一聲食哂🤎🤎。⁣⁣🌶冬蔭公湯麵（河粉）$58 (7.5/10)⁣湯底酸辣偏辣‼️‼️，整體成碗都幾刺激，香料味好重，如果椰汁味再重啲就更加好💡配料方面都幾足料, 有:蝦、青口、豆卜😗。⁣河粉種類幾特別，似幼版涼皮🌞，QQ地，但要注意快啲食，唔係就糊成一pat🥸。⁣⁣🥤泰式奶茶$24（8.5/10）⁣同之前係船皇飲到嘅一樣好飲🤪🤪，奶香味夠，after taste茶味濃厚。⁣

《🤫Lunch 去左🇹🇭泰國食碗麵》座落於大圍角落頭既小店，無論裝修定環境都好泰國～（包括埋氣溫都係，好熱下今日🥶）網上都見好多人話唔錯，但本身我就對船麵一般般，但都Try try la~點知⋯⋯⋯嘩！🤗有驚喜喎！比我係泰國食既更啱我口味，唔會太甜既湯底，但牛肉又好入味～👍尤其杯奶茶，夠哂濃香，的確唔錯～👀眼見隔離枱既豬手飯都好似唔錯，下次都可以試試～******************************偶爾係lunch轉下口味，果真係個不錯既選擇😚