金蘭花泰國餐廳 (已結業)

同朋友約了在銅鑼灣食飯，其中一個話想飲冬蔭功🥘咁就搵泰國🇹🇭野食啦。之後就揀左呢間金蘭花。我鍾意可以在Openrice網上訂座，食滿$250仲有9折，方便又抵👍🏼🤗餐廳都唔太難搵，不過留意地址是怡和街，其實大廈入口又在渣甸街個邊。不過兩邊都出入丁，只係正門在後街。電梯上3樓就係，有D似家庭式餐廳。我地晚飯約了8點，今晚星期五真係坐滿人，好彩一早訂定枱。😯有個朋友遲收工，咁我同另一個老友就叫左個冬蔭功🥘食住等。冬蔭功有分size都幾好，無論少人定多人都可以按人數去叫唔同份量。我地3個人，就叫左個大 (因為佢仲有個特大)。出來每人都有飲到飯碗size 的5-6碗左右。蝦🦐都有4隻，同埋有好多菇。佢既冬蔭功椰奶偏重，唔算好辣較適合怕辣既人飲，易入口。小食拼盤我地就叫左個細既，款式都有4種，蝦餅🍤魚餅春卷同埋炸豬骨。炸豬骨🍖比較有驚喜，肉幾香但唔會太重香料味。春卷同蝦餅就正正常常，魚餅比較重粉味，唔係太吸引。之後齊人就叫左咖哩🍛紅咖哩雞個汁同冬蔭功一樣椰味🥥好香，變相咖哩味有D弱。好處就係好易入口，入面都有泰國茄子等，但成份既份量偏細。88蚊我expect係再多一半左右啦…好彩我地三條女都唔係

泰式餐廳於香港真的不乏選擇，以前與家人吃來吃去都是同一兩家泰國餐廳，今晚轉轉場，與家人來到這裡試一試，希望從此以後多一個選擇。餐廳地方不算大，到晚上7時多左右已相當爆場，看來應該是不錯才客似雲來。食物款式選擇頗多，定價不算高，價錢合理。最後沙律，小吃，主食和甜品都各點了來試試。泰國柚子沙律($98)通常是我到泰式餐廳必點的食物! 有兩三隻蝦，蝦肉爽彈；柚子份量頗多，還加入腰果，蔥，辣椒等一起搞拌，增加口感，味道酸酸甜甜，亦有幾分柚子的苦澀；惜還有一點奇怪的油味，不是太討好，整體還好。秘製咖哩牛腩($98) 加薄餅($15)份量比我想像的細，牛腩有數塊，還有不少配菜。牛腩相當軟腍入味，咖哩有椰香，辣味不算重，如再辣一點更惹味! 薄餅質感普通，不夠酥化，淡淡的味道，配這款咖哩剛好，以這個價錢來說不能要求太高。泰式拼盤($118) 包括蝦餅，魚餅，春卷，香茅雞翼四款，我只試了蝦餅和魚餅，蝦餅炸得香脆，口感彈牙! 魚餅略嫌香料味重了一點，其餘兩款沒試，家人表示雞翼不錯，值得一讚是雖然是炸物，但亦不會過於油膩。主菜部分先來一客泰式海南雞半隻 ($138)配海南雞油飯，雖是半隻，但份量足料! 海南

今次係因為我同同學仔一齊慶祝生日所以揾左間泰國餐廳食dinner。餐廳環境都唔錯 坐位上都有印有泰國風情既cushion最特別既係叫左個芒果糯米飯生日蛋糕 佢地有泰國人開哂咪同我個位朋友慶祝！職員重唱左泰文同英文生日快樂歌，差唔多有成3-4分鐘！朋友好surprise 而且都好鍾意間餐廳添💕

今日去銅鑼灣買🍎電話經過怡和街，望見對面有一間樓上鋪，好似幾有特色，寫住金蘭花泰國餐廳泰國嘢，啱哂一於買完電話之後就上去試吓裏面嘅環境簡潔舒服，仲比我坐到個窗口卡位，Cushion有泰國特色，座位亦好闊落，呢啲都係樓上鋪嘅優點喺呢個黃金地段，有個窗口位，望下街上急趕行人，睇吓風景，其實已經係一種享受正所謂你有你忙碌，我有我享受，人生就係咁矛盾，呢啲咪叫做爽囉好啦講返正題，餐牌裏面都好多選擇，除咗前菜沙律，主菜豬牛羊，粉麵，蔬菜，應有盡有首先來個無骨酸辣鳳爪沙律，開胃的前菜必選第一道要是試就當然係泰式海南雞啦，我哋叫咗半隻，但係望落以為俾咗一隻雞我，分量十足，配埋香飯再嚟泰式小食拼盤，蝦餅香，魚餅鮮，泰式春卷脆，非常惹味，喜歡食煎炸食物嘅一定要試尤其是呢個拼盤嘅雞翼，佢幫你拆開咗其中一邊肉，你會好容易食，真係好爽另外我哋試咗佢哋嘅特色泰國船河配金邊粉，濃烈的湯底是主角，去過泰國的朋友都知道船河係必食嘅選擇呢餐咁豐富，埋單都唔使＄400 ,皆因樓上鋪嘅租金比地舖嘅便宜，變相益左我哋呢啲醒目嘅食家

跟大佬落左去銅鑼灣開工，開完工順便食埋飯返屋企，兩個男人食決定去食泰國菜。這間泰國菜館之前都曾經在灣仔食過，味道不錯，價錢亦唔貴，抵食之選。泰式拼盤蝦餅外層炸得香脆，肉質結實彈牙，點埋泰式酸辣醬酸酸甜甜更滋味。魚餅肉質結實彈牙，有魚肉味外還有濃郁的泰式香料味道，不會太油膩。春卷外皮炸得香脆，但裏面比較油，幸好有甜酸醬去掉油膩感。香茅雞翼是起了一條骨，外層以麵包糠包裹炸得鬆脆，雞肉不會太乾，但香茅味較淡。炒豬肉金邊粉金邊粉炒得爽口彈牙，豬肉份量很多而且很腍，還有點九菜等配料，加點青檸汁更好味。馬拉盞炒雜菜有西蘭花、椰菜花、椰菜、芥蘭及雜菌等，馬拉盞比較濃味及徧咸，有少許蝦米仔，非常惹味。椰汁榚面層是椰汁，下面有西米，芋頭，粟米，好有椰汁的香味但不會太甜，亦唔會太滯。小食拼盤份量十足，兩個人最後要頂硬上先食得哂，最後捧住個肚走，而且埋單會員有85折，真係抵到爛。