旺泰特食

营业中

休息中

天氣涼涼地，一覺醒來已經2點，Cobi同Ella又好乖，過哂開飯時間都唔黎嘈我地；餵飽佢地之後就要餵飽自己，所以一家4口齊齊去西貢市行街街兼搵野食。Cobi爸突然醒起，有同事提過西貢市有間小小泰國菜，佢地嘅泰國海南雞飯都幾出色，YEAH！一於去試下！我倆著住拖鞋行入窄巷，巷內有點擠迫，而且放滿枱枱凳凳，不過已經3點，所以唔係太多人，衛生環境唔算太差，對我同Cobi爸呢2位街坊都還可以接受，不過如果坐滿人嘅巷仔，我想像得到都會幾嘈下…都冇乜望個餐牌已經叫野食~串燒 - 豬、牛、雞每樣2串一上枱已經聞到有陣陣炭燒香味，外表夠juicy，上枱時已經淋上左沙嗲汁，都幾大串，個醬汁有濃濃嘅花生香味，少少辣之餘又甜甜地，惹味非常；不過肉質就麻麻地，豬肉還可以，雞肉就較為嚡口，牛肉就有筋、帶韌。泰式海南雞飯賣相幾吸引，鮮黃色嘅雞皮下有juicy嘅雞肉，入口嫩滑有彈性，雞皮下冇太多脂肪，忍唔住食左1件雞皮，好邪惡嘅美食^^，再點一點微辣嘅醬汁，好味！油飯都頗出色，顏色唔係太黃，粒粒飯都有好香嘅雞汁，煮得夠乾身又唔油膩，入口好香，真係想order多碟。炭燒豬頸肉唔知係咪3點幾嘅關係，件豬頸肉燒定左好耐，