曼菊泰國料理 (已搬遷) 新店位置

大家正商量中午食乜之際，有人提議食泰菜，正記起上次經過葵涌廣場2樓有間小店可以外賣的，只需找個小跑腿幫忙攞外賣便可泰式海南雞飯 $40，海南雞已起骨，有三塊爽脆青瓜，油飯很香啖啖雞肉，有成八大件金柚沙律 $35，金柚清甜，花生夠香，奉上的辣汁有少少辣，幾剌激小店還有各式各樣的小食都好想食，肉碎生菜包、椰子糖、蒜蓉多士、肉鬆米通.......舖仔細細可以整咁多美食下次可以再試其他美食，因有得電話預訂實在太方便了

坐落喺葵芳葵涌廣場嘅曼菊泰國料理，只做外賣不設堂食，由幾位識得講流利廣東話嘅泰國女孩經營，由廚房到收銀全部一手一腳親力親為，食物賣點係泰國人主理，正宗泰國人風味菜。店舖嘅人氣推介係「泰式豬髀飯」及「芒果糯米飯」，但我最鍾意係佢嘅「泰式海南雞飯」，佢嘅雞油飯包你食過返唔到轉頭，飯粒夠味軟硬適中，而雞件皮脆肉滑，唔會過生，淋上特製嘅醬汁一齊食，一流！另外佢嘅「青咖喱豬頸肉飯」，個人認為比較一般，青咖喱汁有啲偏鹹，豬頸肉分量同佢嘅廣告照片差好遠只有幾塊，茄子食落口比較油。整體來講佢飯嘅份量足足有兩大碗，足夠大食嘅朋友飽餐，買飯可以加＄10配泰式特飲，又幾抵喎！