Restoran SAYA

营业中

休息中

明明係米芝蓮必比登2023推介，唔知點解假日午餐食客唔多。裝修別緻，泰國民族風情配湖水綠主色，幾啱打卡。枱與枱之間好闊落，坐得好舒服。*泰北咖喱金麵 Khao soy $128椰汁咖喱湯濃郁，香濃唔會太辣，似汁多過湯，配搭各種香料，芫荽、紫洋蔥、紅蔥酥、青檸汁，口感味道都好豐富。雞蛋麵有嚼勁，有啲似扁意粉，但未夠索汁。炸雞蛋麵酥脆，索汁後變得半脆半軟。炭烤雞腿焦香夠腍，但份量比較少。泰北辣肉碎生菜包 Larb Muang Moo $128豬肉碎、豬耳、炸蒜、紅蔥酥，加埋炸豬皮，口感非常豐富，辣度十足，但肉碎比例上唔多。包住新鮮生菜，加埋九層塔、薄荷葉，不敗組合。泰式炭火鹽燒魚 Pla Phao $268將魚皮鋪上一層粗鹽，腹腔包入斑斕、香茅、檸檬葉，再用火燒。魚肉非常嫩滑好juicy，香料味道偏淡。戴手套撕魚肉包米線、生菜、薄荷葉，再點汁，一個偏辣、一個偏甜，好好味，估唔到生菜包魚可以咁正。泰式椰子咖啡 Young coconut coffee $68椰奶沙冰配濃縮咖啡，味道完全唔甜，椰子味道好香，但蓋過咗咖啡味。

大角咀· 米芝蓮推介民族風精緻泰北菜Restoran SAYA📍大角咀嘉善街18號利奧坊二期地下G701號舖➰好歌推介「黑色眼睛，沿途與你有過一幀風景，但路上誰也沒名沒姓。」.#目黑 #周國賢➰今日嚟到大角咀探朋友，特色小店林立嘅大角咀一向都臥虎藏龍，十分之多餐廳值得一試，今日客隨主便，由佢發板帶我食好西。.餐廳距離奧運站約5分鐘路程，周邊食店林立，而餐廳位於商場地鋪，門口用上落地大玻璃設計，非常開揚。裝修風格用上湖水綠做主調，配搭民族風裝飾，彷如置身異國風情。.➰✥蘋果酒黑啤 💲68 ⭐️4.2/5⭐️Apple cider混合黑啤出黎效果變成漸層效果，賣相討好，味道更有驚喜，中和左黑啤嘅苦澀，突出左Apple cider嘅清香，出奇地易入口，可以一試。.✥Lichilini 💲78 ⭐️4/5⭐️香檳加上荔枝肉，賣相唔錯，但入口無太大驚喜，正常發揮。.𖥕特式開胃拼盤(各2件) 💲88 ⭐️4/5⭐️包括有肉末花生菠蘿，手打魚鬆西瓜同檳榔葉面康，睇名就覺得好有趣，以為係d乜奇怪組合，本著冒險精神即管一試，但所有野嘅組合都唔差，幾開胃，由奇鐘意肉末花生菠蘿。.𖥕和牛炒寬河粉 💲148 ⭐️4.2