馬泰

营业中

休息中

今天下班與朋友聚會，大家想吃泰菜，於是找來銅鑼灣這間泰菜，它不是在大型商場內，是一間小店，單是望入店內，裝潢覺得企理整潔，而且擺放的裝飾都五光十色，十分有趣。看了看門外的餐牌，以吃晚飯的價格來說十分抵食，於是便決定試試。平日晚上未多人到需要排隊，所以我們很快便坐下點餐，點了必吃泰式無骨海南雞飯、香茅厚切豬扒摻摻喇沙加要一碟馬拉盞炒通菜。上菜時發現食物份量也不少，先講泰式無骨海南雞飯，海南雞肉質嫩滑肥美，附有脆口花生，點上醬料令我吃完一舊又一舊；另外碗湯都好鮮甜足料，忍不住整碗都喝光；友人點了香茅厚切豬扒摻摻喇沙，內有一些配料如豆腐芽葉，厚切豬扒很大塊，帶點葱香茅味，點上醬汁更惹味；再來馬拉盞炒通菜，份量比我在其他餐廳吃的份量多，而且通菜爽口。總括而言，這個價錢這個份量這個質素會令我想下次再光臨😊

馬來杏仁蝦餅 (3件) $68好鍾意呢個蝦餅，外層鋪上杏仁片，令口感更脆丶更香口，蝦膠算厚身丶彈牙，比起其他泰菜嘅蝦餅更有質感，推介！馬來海鮮喇沙 $78喇沙係摻摻底，米粉加油麵，海鮮料算豐富，蝦丶蜆丶魷魚圈丶蟹柳丶魚旦丶豆卜丶蛋… 特別估唔到嘅係2隻蝦幾鮮甜，喇沙醬放中間，可自己調節辣度，啱哂只接受到微辣嘅我。泰式無骨海南雞飯 $78見到在場幾枱客人都有點，就跟風試吓。海南雞肉質嫩滑，雞皮爽脆，我就比較鍾意蘸黑醬油，好快就食晒成碗飯 斑蘭椰汁冰 $28有斑斕嘅香味，無想像中咁甜，唔錯順帶一提，店員姐姐服務好好，態度友善，見我等緊”塞緊車在途中”嘅朋友，主動先比杯水我，真係好細心！呢餐朋友都表示滿意，話會帶家人再嚟試 😋