Morokok (家樂坊)

营业中

休息中

一班朋友約食飯預早左幾日已經訂好位，仲要有得折都真係幾抵食成間餐廳裝修好靚打卡位置好多，菜式夠創新夠精緻叫左唔少野食 圍返起每人都唔洗$200，非常好食之餘好經濟。泰式生蝦生蝦同所有食材都夠新鮮，醬汁夠辣蒜味好香。生菜包生菜包都係辣，但辣得好香口，但生菜唔夠多，包得唔係好多塊。泰式海鮮冬蔭公冬蔭公夠濃唔嗆喉嚨，海鮮好多，大蝦青口都唔少隻。小食拼盤有炸蝦球，豬磧肉，炸魚肉，炸肉卷每樣都炸得好香脆，再配埋香茅獨特嘅香同兩款醬非常吸引。泰式柚子大蝦千島醬pizza非常創新嘅食法，又意想不到特別，千島醬同柚子嘅酸味帶出大蝦d鮮味。泰式青咖哩豬頸肉配香酥餅香酥餅好香口好酥脆，青咖哩好夠味道，椰醬嘅味道都好出到。蛋包泰式炒金邊粉伴扖大虎蝦好精緻，成盤似藝術品，靚靚嘅蛋皮包住晒所有金邊粉，再加埋一隻大大隻嘅虎蝦金邊粉夠香濃夠味道，咬落彈牙麻甩專員評分區店內環境: 10/10 ，食物外觀: 10/10，食物味道: 10/10，整體分數: 10/10，翻食指數: 10/10

上星期六去左位於旺角家樂𤤁入面嘅黃店morokok💛，可能係因為星期六，所以要9點後先有位，入到去都見到仲有好多人，所以都比較嘈。Morokok係一間融合Morocco同Bangkok風味嘅餐廳，有好多款好有特色嘅美食同飲品，餐廳仲有水煙提供，不過今次就冇試。鋪頭用咗霓虹燈裝飾，設有吧枱同室外用餐，店內亦都有文宣同其他黃店推介。嘢食方面首先，我地叫咗一個泰式生蝦$88。蝦大概有10隻，非常新鮮，配埋佢酸酸甜甜嘅醬汁，好開胃，而且抵食。之後嗌左個馬拉蜆煲 (白酒牛油汁) $168 +蒜蓉包 $20，個汁雖然唔係好濃，不過蜆肉乾淨冇沙，清甜得黎仲好入味，配埋非常脆嘅蒜蓉包，一流👍其中一個重點推介就係 青咖喱意大利飯伴黃金軟殼蟹 $168，除左賣相一流，亦都非常好食。大大隻軟殼蟹用鹹蛋黃去炸，鬆脆惹味，意大利飯亦都有青咖哩包住，香濃可口，而且唔算辣。😋最後一碟就係 芝士汁扁麵伴牛油焗波士頓龍蝦 $188，芝士汁濃郁，麵亦都彈牙，龍蝦雖然得半隻，但龍蝦肉都好新鮮，略嫌份量少咗啲，不過都值得一試！今次可冇叫到芒果糯米飯，下次實會再嚟試。呢餐兩個人就食咗$700，但其實有其他方法book位，有限時

已經係第二次嚟呢度食（第一次唔記得影相），上次食嘅時候係下午茶，唔係好多人，所以我哋有2:00坐到6:00pm，相比今日係食晚飯，佢要求我哋90分鐘要完成，同時同一層嘅另外兩間餐廳都已經開咗，好多人嚟食飯，因為兩個女仔嘅關係，所以只係叫咗一碟麵加兩個頭盤，感覺啱啱好。兩個人食咗三樣嘢，再加兩杯野飲，埋單大約$500。食兩次佢哋嘅服務態度都好好，可以再進步多啲，希望秋天嘅時候可以試吓佢哋嘅室外感覺（因為而家實在太熱）。我會再嚟食！佢啲特飲「豬咪咪」= Baileys + Chocolate，如果唔想有太多酒精嘅感覺，呢杯 cocktails 都唔錯㗎！ 睇之前嘅介紹佢哋好似室外嘅座位可以有電影睇？好期待！p.s. 咁大嘅餐廳其實得兩格廁所仲要同其他餐廳共用，有點兒那個？！

見好多朋友黎打左卡，好似幾靚咁，就約閨蜜黎試下，順便影下相。本身book左出邊位置可以食水煙，但天雨關係都係入返裡面坐。其實成個環境都好靚，幾有風味，坐得都舒服，見佢仲有鏢機同board game ，係一個可以消遣下既地方。一坐低，我都係第一時間叫左杯啤酒先，呢兩杯手工啤，一杯就果味比較重，但後邊比較甘。另一杯就係比較酸，都幾開胃😬食泰菜當然要食生蝦，新鮮度一般，不過夠凍。醬汁就唔太夠香，偏酸。呢個意大利飯就幾抵讚，鵝肝份量夠，煎得夠香，而鵝肝既油滲左落d飯到勁香💕意大利飯都煮得岩岩好。芝士條都拉到絲，不過唔算好香🤔墨魚麵彈牙，帶子嫩滑，唯獨個汁唔辣姐🤪其實整得幾香脆，都多蠔仔，但如果個汁係中式魚露會夾d。因為佢配個個汁太酸，搶晒味🥺