Thai-ger (已搬遷) 新店位置

今日路過見到D2 開咗間泰式小店，間鋪唔大，大約可以坐到30人，見有船麵，就即管一試。佢哋船麵都有兩款，有潮式同泰式，我揀咗泰式，裏面有肥牛同牛腩，肥牛煮得啱啱好，牛腩又稔又入味，餸上面有通菜加上炸豬皮，湯底夠牛味又有少許香茅調帶出鮮味，濃郁可口又足料，仲有舊蘿蔔吸收晒濃郁嘅湯底👍🏻，d套餐係全日供應㗎！再加上椰青清甜解渴，正呀！不過飲椰青要加＄28 ！而佢哋嘅侍應服務熱誠又快捷，下次可以再去試吓其他菜式😊

有時唔打唔撞都搵到好嘢食腳求其食 可能好肚餓，見價錢合理又有位就坐低食。 $70泰式船麵，揀咗金邊粉，湯底顏色已經睇到非同小可，飲落好有牛肉味，炸豬皮好少地方有，睇得出並不求其，牛腩軟硬適中，湯底味道好有泰國之旅感覺，泰式香葉都食埋落肚，可能好肚餓所以極速鯨吞輕湯都飲埋。朋友叫$80無骨海南雞飯，雞肉好嫩滑，飯有油味。追加$28有素菜春卷，真係新鮮炸金黃色，入面滾熱辣真係一粒肉都無。服務普通，出餐速度好快，食物質素很好，整體非常滿意。