倆口小吃 (已結業)

大隻仔今次覓食嘅店舖就係💥 倆口小吃 💥 大隻仔想食呢間元朗人氣店好耐，見好多雜誌、YouTuber 都介紹過。舖頭細細冇堂食，但長期排隊，最近更加新開分店到中環，中環店有提供堂食但價錢比元朗店貴。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️服務 ⭐️⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 泰式蝦餅刈包 $49炸蝦餅刈包加上蒜香豆角配上鹹蛋黃醬十分滋味，再灑上日本飯素增加味道，仲有脆卜卜既油炸鬼碎增加口感。不過大隻仔覺得炸蝦餅中心位置有少少過生。至於刈包，經過改良比傳統刈包鬆軟，但熱辣辣嘅外賣刈包好易出倒汗水，刈包就會濕淋。雖然刈包內配料醬汁好多，但每一樣味道都唔會霸道突出，比較平行。🔥 小山園抹茶cream cheese 壓餅 $35切開有流心效果，抹茶味道比cream cheese味強，壓餅好食但食完又未去到印象好深刻，唔算好有驚喜。食後評語：刈包味道好食，但唔算超級有驚喜，唔知會唔會老闆兼大廚到中環店嘅關係，元朗店出品有所下降，大隻仔覺得唔需要排隊值得一試。

倆口小吃 (元朗)📍元朗鳳攸北街5-7號順豐大廈地下18號舖━━━━━━━━━━━━━━━━━━━━━━━━━━━━超級火爆嘅米芝蓮小店🔥 主打刈包同壓餅 最近仲預告要進駐中環開分店！ 對港島嘅朋友嚟講方便勁多 不過就唔知要排幾耐隊啦🙈平日開門前20分鐘就到 不過前面都有幾位排隊 加上製作需時 最後都係1點幾先拎到 大家去就要比定心理準備排隊吖━━━━━━━━━━━━━━━━━━━━━━━━━━━━🍤 泰式蝦餅刈包 $49 ▶︎ 刈包皮包住炸蝦餅 油炸鬼脆脆 豆角粒 鹹蛋黃醬 飯素 青檸等 內餡非常之豐富 size同手掌差唔多大😆▶︎ 首先要讚刈包 真係非常鬆軟 咬落溫熱軟熟 同急凍嗰啲真係好唔同👍🏻▶︎ 炸蝦餅都非常之優秀 排隊嗰陣見住老闆即炸蝦餅 超級厚嘅蝦餅咬落非常滿足 外層夠脆 炸粉都唔會好厚 內裡汁水充足 蝦味鮮甜 亦都唔會覺得混咗好多粉🤩▶︎ 其餘嘅豆角同脆脆增添咗口感 硬脆 爽脆 鬆軟 爆汁 各種口感都體驗到 😲▶︎ 自家製鹹蛋黃醬味道偏淡 唔講唔係好感覺到係鹹蛋黃 不過感覺好有泰式風味 最後仲可以自己加青檸解膩 整體非常之balance 好味指數:●●●●●━━━━━━━━━━━