泰玖

营业中

休息中

一開始入去店裡只看到有吧枱，以為好細間，結果同店員確認訂位後，經過一條走廊後上樓梯到達閣樓，先知道原來仲有咁大空間。我幾中意內部裝潢嘅環境，復古黃燈配搭着混凝土牆壁，幾岩打卡。今次一共叫左兩個午餐套餐1️⃣新鮮大頭蝦冬陰功湯麵+蜜桃冰茶先講下湯麵部份，原本以為湯麵係一般個啲麵條，一夾起發現原來是公仔麵嚟嘅。冬陰功湯部份偏酸，幾適合嗜酸人士配菜方面主要是有很多芫茜、兩隻大頭蝦、秀珍菇、小蕃茄同生菜嘢飲方面蜜桃冰茶幾好飲，不過記得要先攪下底部啲糖漿，如果唔係最後會好甜（唔好問點解）2️⃣泰式豬肉濃湯船麵+鮮橙冰茶湯底非常濃郁但唔算好鹹，佢啲麵係兩種面溝埋一齊 ，應該係金邊粉同米粉。配菜方面除左有豬肉，仲有炸豬皮和芽菜。嘢飲方面，鮮橙冰茶係紅茶搭小小橙汁啲味道，都ok但個人比較推介蜜桃冰茶。

今日同朋友去荃灣逛街，行到香車街街市旁，見到一間門口放咗$68起午市套餐餐牌嘅餐廳，睇落幾抵食，於是我地決定入去一試。一入餐廳，見到餐廳已坐滿人，以為要等位。點知，原來餐廳有兩層。我地經過走廊，行上樓梯，到了餐廳第二層用膳。餐廳第二層有更多座位，環境更寬敞舒適。望住午市套餐餐牌，我地叫咗：新鮮大頭蝦冬陰功湯麵（辣）+ 蜜桃冰茶 $88朋友覺得碗麵唔算太辣，唔食得辣嘅人都可一試。冬陰功酸酸辣辣，非常開胃，而且非常大碗。蜜桃冰茶蜜桃味清甜。泰式豬肉濃湯船麵 + 鮮橙冰茶 $68呢碗麵有驚喜，因為麵底竟然係用咗兩種唔同麵，米粉同金邊粉，好似摻摻咁。湯底濃郁，配料非常足，有炸豬皮、豬肉丸、大塊豬肉片、通菜及芽菜等。最後埋單只係$156，唔洗加一，抵食！