泰麵膳 (已結業)

尖沙咀寶勒巷出名多美食,今次揀左間泰國船麵餐廳試試,一望就好好鍾意門口個粉綠色拉閘設計!今次唔洗去九龍城食泰國菜啦😗😗呢間除左有船麵之外仲有ᴰ小食好有睇頭架🤓呢款小食就第一次見啦!［炸蝦蛋］呢粒野大廚獨創嘅,成個波咁大😌(上網睇話用豬肉碎、菜脯碎、芫茜頭、蒜頭、花生等材料,翻炒後做成肉餡,再用蝦膠包住再沾麵包糠後炸成。) 我覺得口感夠晒彈牙又香口,仲鹹鹹地好開胃😗😗仲叫埋［泰式雞槌］上枱已經香噴噴,食落就覺得雞槌醃製得完全入味又肉嫩多汁都推介的好啦食完小食仲有兩碗麵要講講🧐［安格斯牛肉船麵］個湯底好飲，特製豬骨湯香濃美味配上豬肉丸、牛小排食落都幾滿足！開心既係安格斯牛小排夠腍身！另一碗就係［家鄉滷鴨髀面］湯底顏色極濃但飲落比想像中淡口,金邊粉比香港食開既煙韌啲又軟啲可能是使用泰國出口的粉麵!而滷水鴨髀幸好熬得入味又腍身!✌🏻但安格斯會好吃點如果唔夠味仲可以落店舖特別調製的辣椒油、椒醋、魚露及醋這 4 款調味料添!但我覺得呢度既小食特別ᴰ🤓🤓有機會都想試試個獨創粉紅湯底！但你話呢間好正宗我又唔太覺呢

去完泰國旅行食唔到正宗船麵，見旅遊群組有人介紹尖沙咀開咗間，仲好似話係在港泰人開嘅，晚上9-11有特價12蚊碗粉食，趁今晚喺附近就去醫下肚！9點行過去，見有幾個人喺門口排緊隊，其實我估就算唔係特價時段都要等，事關舖入面都唔係好多位。門外嘅柱位貼左張Menu，等你排隊期間可以諗定食乜嘢！近門口位置收銀放咗幾隻泰象，好可愛！室內裝修簡單，以tiffany blue為主調，加上少少懷舊用品作裝飾，倒如舊熱水壺、雞公碗仔...等12蚊特價粉麵有3款：牛肉船麵、粉紅湯粉、魚片魚蛋湯粉。不過係無得指定要米粉定金邊粉，落order 果陣侍應無提過囉！到上台時，我發現唔係我叫嘅金邊粉，佢先話特價無得指定同埋今晚特價係米粉。酸辣鳳爪味道普通，過下口隱ok嘅!牛肉船麵 (正常size)生牛肉我唔食，不作評論。湯底較淡，還好金邊粉算彈牙，但份量太一小。朋友覺得食完好似食左陣風！魚片魚蛋湯粉(特價12蚊)無得指定粉麵，魚片魚蛋各一，湯似清水，米粉一啖食晒！青檸梳打喺泰國飲過好好味，好掛住~泰式雞槌即叫即炸，香脆無比，味道唔錯，36蚊有6隻，都算抵食！。成日聽人講話泰國當地嘅炸雞好好味，但我喺泰國時無食過，唔知

尖沙咀永遠都比較多食物選擇，別以為九龍城區才有正宗的泰國菜；現在估不到尖沙咀也能遇上了。途徑寶勒巷後巷期間，被一股泰式風味吸引下來。 門外以淺綠色的鐵閘及開放式的廚房，滿滿泰式風味；特別是牆身的小擺設，而且播放出泰國的音樂猶如置身小泰國似的。 餐牌上的種類不算太多，不過我想食的湯檬及乾撈都在還有各式各樣的小食，特別炸雞皮及炸蝦蛋完全是少見之物。 粉紅乾撈 $56在香港比較少見的粉紅乾撈，內有水魷鬚、豬紅、魚皮餃、魚片、魚蛋。粉麵可選擇米粉、黃麵、金邊粉等。金邊粉配有少許粉紅醬油，完全撈出細膩有「小泰國」之感覺。我喜歡多材料烹煮，滿滿食材$56吃出美味。 雙併串燒 $56 泰式串燒簡直是泰菜必點之選，可以雙拼的關係牛及豬是常識吧。即叫即燒的關係，牛肉及豬肉香口帶脆配上秘製醬汁，惹味無比。 炸雞皮 $25 炸魚皮吃得多，炸雞皮真的第一次見。特別在香港更加少之有少，將雞皮炸至香脆無比非常薄身。這款小食配合啤酒或青檸梳打，也是不錯選擇。 泰式雞槌 $36 別以為雞槌是普通之物，原來別有洞天。雞槌醃得相當入味，輕輕咬開後完全油份滲出，雞肉的嫩滑及惹味程度，令人愈食愈想吃。 炸蝦蛋 (1隻)$30