小曼谷泰國美食 (南角道)

营业中

休息中

忍唔住想去九龍城食泰國菜🇹🇭，上次已經幾個月前，小曼谷🎖️當然係最好嘅選擇啦。今次約埋幾個朋友，人多可以試下啲新菜式。香辣肉碎炸蝦膠皮蛋🙌將生菜包嘅肉碎配埋九層塔，鋪喺皮蛋蝦餅上面，有個新嘅味道新嘅口感。記住要夾埋九層塔同肉碎食！冬陰功海鮮部隊鍋👍😋呢個真係屈機我幾推介！傳統冬陰功大家飲得多可能覺得有啲悶，用冬陰功湯底配上海鮮做部隊鍋，一次過滿足你好多個願望🥳！食曬上面啲海鮮🥘，下面個麵係成個煲靈魂，好濃味！👅泰式拼盤👏泰式拼盤有蝦餅、魚餅、雞棗同春卷，基本上食泰國嘢必叫。想試上面道餸👆嘅朋友仔就要注意泰式拼盤都有蝦餅。🍽️泰式脆炸豬手😄我第一次食泰式脆炸豬手，泰式做法係會炸到好酥脆。非常香口，唔配啤酒唔得。🍻泰式馬拉盞炒椰菜苗🥰廚師好有功架，呢碟椰菜苗🥬炒到剛剛好，口感軟硬適中，而且好香馬拉盞味。唔鍾意食菜嘅朋友都一定會覺得好食！泰式鮮蝦金邊粉Pad Thai☺️食泰國菜必叫嘅主食！作為一間喺九龍城屹立嘅泰國菜，小曼谷嘅金邊粉有一定水準，甜酸鹹氣一身，食得過癮。💥

之前去九龍城cafe 嘅時候經過見到都好多人幫襯，都想搵次嚟試吓。嚟之前當然有上OpenRice 睇吓佢啲食評，見佢都好多正評就即管試試首先網上訂位都好方便，仲賺咗$2積分添😆3個人準時到達，店裡面已經坐滿人，我哋都即刻有位可以入坐。店舖唔算大，大約容納30人左右。環境一般，都比較迫，地板有少少黐立立嘅感覺😅因為夏天冇乜胃口，都係叫咗啲簡單清淡嘅食，冇叫到咖哩呢啲重口味食物，叫咗啲乜？泰式生蝦刺身泰式鮮蝦柚子沙律泰式馬拉盞炒椰菜苗泰式燒原隻鮮魷泰式鐵板蠔餅青檸菠蘿沙冰泰式冰奶茶生蝦刺身同柚子沙律嘅蝦都新鮮彈牙。原隻鮮魷煮得時間啱啱好，非常爽口彈牙，一啲都唔韌，鮮甜好味👍🏻蠔餅同炒椰菜苗中規中矩，不過味道比較濃同埋油咗少少泰奶冰奶茶甜度恰當，跟足泰國口味，唔錯可惜服務一般啦，上菜速度非常快，其實未夠60分鐘我哋已經食完嘢，見第一輪客人又走晒未有新客到咪坐吓傾吓偈，不過其中一位女店員就已經馬上幫我哋清枱，又提醒我哋90分鐘用餐時間。心諗就算90分鐘，咁我都仲有30分鐘可以坐吖？🙄 總括嚟講所有嘢都不過不失啦。

今日好早就嚟食晚餐所以趕得切可以叫到個午餐Set好抵食🤣豬肉碎生菜包 - $118個肉碎整得幾惹味少少辣又唔會太酸生菜大塊又新鮮咬開係脆架有蔬菜個份清甜用嚟夾肉碎絕對可以減低罪惡感極上牛小排沙律 - $148牛小排份量都幾多而且好夠牛味雖然唔算肥美但都食到屬於牛嘅油脂味肉質結實唔鞋口底下嘅沙律菜唔知係咪有啲咩特別嘅調味定還是沾咗牛小排嘅肉汁特別好食啲菜切到細細塊咁好易入口食食吓就食哂了泰式馬拉盞炒椰菜苗 - $108個椰菜苗同想像中有啲岀入大棵咗咁多嘅喂🤣不過又幾好食少少辣都幾惹味冬蔭公湯(小) - $148超出預期嘅好飲唔會太辣或者太鹹椰香味重又好足料入面個幾隻蝦索晒啲湯咬開啖啖都夾集住冬蔭公嘅味仲要個湯係熱住咁上慢慢飲都唔會咁快變凍晒泰式鮮蝦炒金邊粉 - $60呢個真係幾好食金邊粉唔會炒得太過濕味道酸酸甜甜咁好開胃鮮蝦好爽口泰式豬頸肉乾撈麵(泰式蛋麵) - $60唔知點解今日見到蛋麵呢個名就覺得好吸引所以就叫咗呢個了豬頸肉大大塊食完有啖啖肉嘅滿足感肉質幾結實蛋麵係類似雲吞麵嘅口感都幾彈牙不過鹼水味有啲重唔鍾意食嘅朋友可能都幾難接受好在側邊有個用嚟點豬頸肉嘅Sauce我用咗嚟加落啲麵

🕖時段-星期二夜晚8點到有幾個人係門口等緊 大約10分鐘入得 _▫️泰式拼盤 $133有齊✔️蝦餅✔️魚餅✔️春卷✔️雞棗 每款2件 多款得來2人都可以食得哂 好抵食😋(平時2個人食泰國野 嗌一碟蝦餅每人要食2,3舊都幾多 呢個拼盤份量較貼心又可以咩都食少少😙)_▫️鮮芒蟹肉炒飯 $96芒果好鮮甜🥭同肉鬆炒飯幾夾 炒飯粒粒分明 唔算太油芒果同肉鬆份量足 唔洗慳住慳住來餸飯食😂_▫️泰式馬拉盞炒椰菜苗 $91食泰國野通常都會嗌椰菜苗因為平時唔係周圍有得點😛好香蒜蓉味_🍽環境基本上地鐵站一出就到😀好方便小曼谷夜晚會用埋隔離餐廳BTS美食站既座位 我地被安排坐BTS個邊 用qr code落單 食物就由隔離小曼谷拎過來 上菜都好快手👍🏻收銀後面有一大張曼谷地下鐵路線圖 一路食一路回味之前泰國旅行🥲