文樂園 (已結業)

生活需要儀式感、外賣都可以食得有情調。把外賣帶回家、花小小心思擺返碟，在家都可以同家人一齊撐枱腳、食點心。呢間位於何文田窩打老道既點心外賣店，其實都有兩個企位可以堂食既。但係實測左之後、證實外賣返屋企依然好好味！📌七色燒賣：絕對係招牌菜！芥辣、蟹子、芫茜、粟米、菠菜、麻辣和黑松露。「色」大家有眼睇、十分吸睛。「香」「味」方面、全部水準都好得。不得不提芥辣味真係好需要大家響起警號、慢慢品嘗，如果唔係就即刻好似玩緊「辣辣壽司邊個食」啦。📌花膠灌湯餃：真係有塊花膠係啲湯度，已經煲到溶溶地、好香濃。食完個灌湯餃飲埋個湯，覺得個嘴唇好似有小小jam住咁。📌瑤柱鹹魚蓉肉餅飯：呢個鹹魚蓉配瑤柱、味覺好強烈，連平時唔食鹹魚或相關產品既我都扒多兩啖飯黎食佢。同埋佢哋好貼心地另外用錫紙兜裝住、返到屋企仲係熱架。📌流心奶黃飽：出賣可愛侄仔系列！係咪同平時食開既流沙包好唔同？好大呀！可惜返到屋企已經唔流沙啦⋯⋯（係預料中事、屋企比較遠既話建議要蒸返熱呀。）不過奶黃味仍然好香濃、小朋友都中意食👍🏻👍🏻📌煎釀尖椒：食左兩條唔辣嘅、啲辣籽唔見晒嘅、唔辣既煎釀尖椒邊得架。好彩，第三條夠晒辣🙈📌糯米雞：又係未見過咁大份

位於窩打老道既文樂園，雖然響鋪面上稍為窄身而令佢響鬧市中既存在感減低，但其實完全唔影響佢既食物質素! 今日就由小編與老公帶大家試下呢間中式既點心專門店先：文樂園大約位於培正中學對面，如果由旺角出發可沿窩打老道火車橋底再行多3分鐘﹑或者沿亞皆老道火車橋底，轉入勝利道 (寵物街+食街)後，行到窩打老道口轉左就會見到。文樂園與大家平時於連鎖中式包點店所見到既款式都相類似，不過小編都留意到佢地係直接用蒸格去蒸熟點心，而唔係傳統個款蒸籠，相信都係因為空間問題，而且外賣既時候都要由蒸籠倒至外賣盒內，咁樣點心就有機會反轉而令賣相唔好。坐位方面，由於店鋪以外賣為主，不過都為左方便趕時間或太肚餓既客人，所以都設置左兩個高座位。點心方面，首先介紹左小編此行既目標隱藏餐單 - 七色燒賣 ($48)：由於餐單無顯示關係，如果想食既話就記得落單個陣特別指明喇! 亦都係因為隱藏餐單而需要即叫即蒸既關係，大家要有心理準備等大約20分鐘左右。七色燒賣包括：黑松露﹑蟹子﹑菠菜﹑粟米﹑麻辣﹑芫茜﹑以及芥辣。聽起黎都覺得特別呢，平時大家響某兩間小籠包專賣店都會見到七色小籠包，但七色燒賣小編就真係第1次聽喇! 小編都大約七款