川粵樓

营业中

休息中

19/8/2023 朋友聚會晚餐，推介川粵樓比大家，因為－直都覺得這食店食物材料新鮮，每款餸菜都係大廚用心烹製，店員服務態度友善，與朋友飯聚，－定會滿意。果然今晚都冇使大家失望，朋友每食一款餸菜，都讚不絕口，而且各據特色👍🏻頭盤：雞絲粉皮，清爽可口。涼拌豆乾絲，豆乾絲好幼細，好刀工！蒜片牛仔粒，沒有牛羶味，－口牛仔粒，方便食用。南乳香酥骨，拌碟的蕃茄仔，好特別。主菜：杏汁燉白肺湯，現在好難有這款湯，難得這食店提供，梗係每人－盅啦。青椒清香魚，辣椒🌶️粒另外放－傍，怕辣的可以唔放辣椒落去自己碗。桂花魚肉新鮮，嫩滑，芫荽香噴噴，仲有讚岐烏冬，好美味。有好輕微的辣。菠蘿古魯肉，啖啖肉，正呀！熱情果蝦球，酸酸甜甜，開胃好食。招牌炸子雞，要預訂，雞肉嫩滑，皮脆，仲有脆卜卜的蝦片，入口清脆響口，是大廚自家製的蝦片。清湯莧菜，夠鮮嫩。 甜品：甜度適中，別的食店沒有的特色甜品，真的要嘗試。宮廷棗蓉糕，流心綠茶煎堆大家都話下次要再嚟食過呀！👍🏻

2/3/2021 星期二，有夜晚堂食，大家快快約埋一齊，食個豐富大晚餐。傳統大廚，確係品質保證。今晚食咗好多款菜式，簡單講講以下幾款啦：-溏心皮蛋紫薑，入口溶化😋紫薑夠晒開胃。香菜耳絲豆干，豬耳絲切得好幼細，配以香菜，好野味。蒜泥白肉，薄簿的豬肉片，超正，呢個必食。鮮鮑魚仔，鮮甜，預先切好小片，方便人客食用。蘿蔔粟米豬骨窩湯，濃濃的豬骨湯，連湯渣都爭住食，蘿蔔香滑，粟米清甜，豬骨啖啖肉，抵晒啦！龍蝦伊麵，龍蝦肉新鮮彈牙，伊麵吸收晒新鮮龍蝦汁，食到唔停口！招牌咕嚕肉，確係招牌菜，肉質外脆內軟，配以蜜棗三色椒大蒜等，越食越想食。靈芝菇窩筍絲，食咗咁多肉類，這個配搭，清爽可口。另外也要一提，侍應們服務態度很好，給人客舒舒服服享受晚餐。

幾年前幫襯過，當時仍未轉名；近期再幫襯已改名川粵樓，待應們及大廚自己出資開，裝修無咩大改，但味道更勝從前，今次已是一星期內第二次幫襯，可知有幾好味！本人都不是麻辣控但真心覺得四川味道做得正宗又好味，川粵樓是其中一間值得推介，最重要價錢公道，味道正宗！下次仍會和不同朋友再幫襯的。