點茶館

营业中

休息中

呢日約咗友人去一間餐廳 點知餐廳full晒 冇得walk in😮 我哋諗唔到食啲咩好 就去咗food court 因為美食廣場咩菜式都有 任君選擇 俾我無意中發現咗呢間藏身喺food court嘅點心店🤣點心拼盤一份點心拼盤有齊晒五樣招牌產品💕 入面有叉燒包 蝦餃皇 香菇燒賣 飛碟雲吞 同埋棗皇糕各一件 叉燒包餡料充足 五樣點心入面 我就最鍾意食燒賣🥳 下次可以嗌多一籠燒賣鴨腳扎兩隻都好大件 除咗鴨腳之外 入面仲有豬肉同埋好鬆化嘅芋頭✌🏻 最欣賞佢外層入味嘅腐皮豉汁蒸鳳爪呢度嘅鳳爪隻隻都好厚肉 除咗面頭有豆豉底下仲有花生粒🥜流沙奶皇包一籠有兩件 搣開啲奶皇包晒出嚟 奶皇包非常軟熟 係一個好推介嘅菜式🍞鮮蝦腐皮卷即叫即炸 非常脆卜卜🫶🏻 入面嘅餡料有彈牙嘅蝦仁 芹菜 沙葛 所以除咗有外層嘅脆腐皮之外 整個腐皮卷嘅口感幾有層次🦐 中國茗茶食點心點可以少咗有中國茶啊😉 呢度嘅茶係逐杯計嘅 我同友人就嗌咗一人一杯 可以消消滯呀嘛🍵呢間點心真係即叫即蒸㗎😝所以上檯時都熱辣辣 食物絕對冇因為佢喺美食廣場而遜色 下次嚟要試吓佢嘅荷葉蒸飯同葡撻先得🤗

Food court少有點心店，仲有經濟實惠嘅荷葉飯點心套餐，10-80歲都鐘意食👏🏻 新張期間follow IG全單九折，抵抵抵！Food court免茶錢加一，我地兩個一人一個套餐，再單點點心，成枱都係嘢折咗之後都唔使$100一個人荷葉飯即叫即蒸要等15分鐘左右，櫻花蝦蝦膏腩片飯好鹹香，腩片仲煙煙韌韌，好多櫻花蝦吊味。蟲草花雲耳雞件飯有少少薑絲同紅棗，雞件好滑。兩個飯都好香餸汁味但唔會浸到腍晒*香菇燒賣* 100分！大大粒熱辣辣好新鮮，豬肉唔會太肥但好滑，上面嘅蟹籽好juicy唔係蒸到老晒。 *流沙奶皇包* 十分驚喜！冇諗過food court可以做到咁流心高質嘅奶皇包，奶黃餡稠度適中，唔會太甜，帶有少少鹹蛋黃香味，突然覺得中點有兩個好抵！豉汁蒸排骨分量算幾多，排骨好入味好林，唔會太油膩。蝦餃皇真係好大粒，皮就唔算好薄，不過蝦肉飽滿又結實。可惜餐牌上嘅葡撻同叉燒酥未正式開賣，下次一定要試試😍