The Story Cafe and Bakery

营业中

休息中

去青衣探朋友，約埋食d野先，經過呢間cafe門口，比佢舊雲吸咗入去。由於我唔係成日睇漫畫，等到我個friend黎到，佢話我知，我先至知道果d一舊舊係塵，唔係雲，我認，我認我係大鄉里。我地點咗1個小食，1個甜點，同2杯野。天空飛塵船 - 呢個係小食併盤，見到都好開心，可能係加咗漫畫公仔嘅元素，甚少影食物相的朋友都忍唔住舉機拍照。海之星窩夫 - 呢個甜點亦係另一拍照熱門之選，佢地將窩夫、雪糕、jelly❨扮貝殼&海星❩堆砌成一個沙灘嘅場景。藍天 - 呢個熱飲藍蝶花latte加了紅豆，店家好聰明，用透明嘅杯承載，其實藍蝶花冇咩味，但因為加咗奶，變成粉藍色，再配以白色嘅奶泡係面，要食客味覺享受之餘，也有視覺享受。藍蝶花茶配柚子蜜 - 朋友點咁呢個，幾好玩，因為藍蝶花泡出嘅茶係藍色，加咗黄色嘅柚子蜜，就會變成紫色，好似做實驗咁，呢個小朋友一定勁like!總括呢間餐廳價錢唔平，食物質素普通，但種類特別，製作精美，來拍照打卡是不二之選。

食完晚飯，同老公去試吓呢間新餐廳一路都好想食窩夫，但係青衣城的選擇唔多行過見到呢間餐廳都幾靚喎仲係老公好鍾意嘅海洋主題，一於試吓啦！今日星期日，夜晚八點幾都唔算多人呀我最鍾意呢啲可以靜靜地，享受二人世界既鋪頭我哋叫咗兩個窩夫，一個係我最鍾意嘅綠茶紅豆口味「宇治窩夫」，另外一個係海之星窩夫。餐廳環境舒服，員工友善，食品造型亦都非常有心思。Like Facebook仲有九折添，即係免左加一👏🏼👏🏼👏🏼😍食物質素一般，當然我只係試過兩個窩夫，但兩個都唔太值得再食。建議窩夫可以厚身啲，食落口感會好啲如果將啲cream變咗雪糕，會更加吸引🌊最緊要係宇治口味，英文明明寫住綠茶和紅豆，係咪應該有返綠茶嘅食品呢？🤔😆😆