泰濃麵 (樂道)

营业中

休息中

如果你喺尖沙咀趕時間唔會入商場既話，呢間都係好唔錯嘅選擇，近iSquare，喺地舖之餘，價錢唔算貴，仲要速度好快👍🏻服務都幾好👍🏻泰式海南雞飯$69正正常常，皮薄唔會多肥膏，都幾多件雞👍🏻自選船麵$74泰式羊肉+船河湯+金邊粉除咗羊肉老咗啲，其他都正常發揮泰式小食拼盤$78炸蝦餅x2炸雞翼x2炸芝士雲吞x2炸蝦餅同雞翼都正常好食，最驚喜係炸芝士雲吞👍🏻👍🏻炸得好脆好乾身👍🏻好長既芝士拉絲🤤🤤會因為呢個炸芝士雲吞而再嚟食👍🏻

.【尖沙咀核心🫀區域 性價比極高餐廳🍴】.大件夾抵食｜極速送餐｜堅。高性價比🀄️ 正宗泰國🇹🇭主廚｜主打泰北風味船麵.🍜 雞脾肉 船湯 配 黃麵 ｜多種麵款/ 湯式🔸 河粉｜Flat Rice Noodles🔸 金邊粉｜Padthai🔸 薯粉｜Sweet Potato Noodles🔸 黃麵｜Egg Noodles🔸 湯飯｜Soup Rice➖🍲 湯式有3️⃣款🔹 船湯｜Boat Soup🔹 冬陰功湯｜Tom Yum Soup🔹 清湯｜Clear Soup多料到呢🈵🈵🈵🈵｜秋葵 白蘿蔔 炸豬皮 芽菜 魚蛋｜湯濃到呢.🍚 海南雞飯｜Hainanese Chicken Rice in Thai Style🔹汁 🔹飯 🔹雞🐓 ｜精準控量 鐵三角📐油飯 乾身｜酸辣汁到位｜連皮雞肉 鮮嫩有油脂 👍🏻👍🏻.🍱 泰式小食拼盤｜Thai Snack Platter大大份｜ 炸雞翼 Fried Chicken Wings｜ 蝦餅 Fried Shrimp Cake ｜ 炸芝士蛋吞 Fried Cheese Wontoms｜再加埋🍢 炸魚餅 ｜Deep Fried Fish Cake厚厚實實 落重手｜一咬反彈

泰濃麵喺isquare隔離，好近地鐵站，門面都好光猛🔅 Menu上推薦嘅菜式會用「🙏🏻」做標記，所以我一路揀一路認真做曬動作咁話不如揀呢個啊佢有「🙏🏻」，然後👦🏻就係咁笑😂😂👨🏻‍🍳🤳🏻頂級安格斯牛肉薯粉船湯$92❤️‍🔥可以自選主配料(價錢都係base on佢)+自選麵類+湯底3揀1✨船湯💯🙏🏻🙏🏻🙏🏻用咗超過20種材料加豬骨長時間熬成，濃得嚟真係好舒服，入口頭2、3秒有微淡煲仔湯藥材味，唔苦嫁係好香好醇嘅味道🥹我差啲飲曬，飲完仲要唔會口渴😳😳遊客區嘅美食唔重味精唔洗追水飲又可以令人食唔停都厲害😂另外要讚下個幼身薯粉🥹🙏🏻 彈牙得嚟勁易夾易咬，唔會因為好難夾搞到彈到啲湯周圍都係👍🏻牛肉上枱仲有啲粉紅，浸多1分鐘岩岩熟😛入口嫩滑入面仲有魚蛋、鬆脆豬皮😳、好腍好入味嘅大蘿蔔✨呢個味道份量價錢算高性價比❤️‍🔥👨🏻‍🍳🤳🏻海南雞飯雞肉嫩滑大舊，個泰式醬汁微辣微酸唔會太重口味，所以唔洗就住點食得好爽😚👨🏻‍🍳🤳🏻泰式炸腩仔上枱個樣勁似豬頸肉😂外層炸得好脆，隱約見到好多舊都係半肉半脂肪嘅肉身，比例啱啱好😍 個醬汁就偏辣嘢惹味🫶🏻呢個配海南雞飯食都超正\(//∇//)\我入咗嚟5分鐘就全部坐滿勁好彩

喺iSquare睇完戲 諗住食過晚飯 咁岩經過泰濃麵 所以入去試試 麵店非常乾淨企理 價錢合理 -🤓海南雞飯 $69海南雞都幾滑身 口感較扎實 最鍾意點佢啲辣椒醬-🍜卜卜蜆 冬陰公湯 薯粉 $89鍾意食麵嘅朋友可以一試 首先揀咗配料同湯底 有船湯/冬陰功湯/清湯 然後再揀麵條 有河粉金邊粉薯粉黃麵湯飯揀 我揀咗冬陰功湯底配薯粉D蜆洗得幾乾淨冇咩沙 冬陰功湯都唔錯唔算太辣 不過薯粉就有啲太琳 下次黎要試吓埋其他麵-🍤泰式小食拼盤 $69泰式小食拼盤有三種小食 有炸蝦球炸雞翼同埋炸腐皮 整體都炸得幾鬆脆 又熱辣辣 幾開胃-🥥原個泰國椰青 $48椰青真係好大個 超多椰子肉 椰汁幾好飲-🍋青檸梳打 $28青檸梳打係分開青檸汁同梳打水上 可以根據自己嘅喜好 慢慢加啲梳打水