牛車水海南雞專門店 (機利文新街)

营业中

休息中

做完gym食個快lunch，海南雞飯係一個好選擇。呢間有好多款，雞脾呀，雞翼呀，雞腎呀。我就咁要左最平最普通既海南雞飯。雞既份量比想像中少左啲啲。不過中環32蚊既，都不能有過大既期望。而個雞都幾滑既。我由油飯轉白飯，減低卡路里。當然啦，油飯一定正好多。佢用細盒俾齊三款醬料。個黑豉油唔錯，唔會過甜。雞湯唔太濃，感覺上都無乜味精既味。入面都有少量冬瓜。唯一美中不足既係，成餐飯得兩細條青瓜。好似完全無食過菜。就咁望都唔見菜單有得叫焯菜之類。