王子冰室 (已結業)

呢間開左冇耐既冰室，平時都想試下，但好多人排隊，所以擇左星期六下午茶時段去試食。好彩唔洗排隊但唔代表冇人，個場一樣滿坐。今日試個海南雞飯，真心好食！！唔單指份量夠大，而且味道一流，本人最欣賞個湯同個薑蓉。個湯同出面既好唔同，用菜加菇去煲出黎，好清甜！！而薑個味調較得岩岩好。如果依相同質數係市區食，個價錢起碼都7字頭到8字頭不等。係度食埋單都係60蚊有找，一個字 "抵"!

開張無耐已經被懷舊裝修吸引入去，以舊式戲院做主題，盞鬼嘅poster，感覺幾新鮮。可能開張無耐，店員都有點踢腳，但態度親切，不知道伙記們是否全部親朋戚友，感覺有家的感覺。今次揀咗海南雞飯，份量剛好。雞肉嫩滑，無我好怕嘅肥膩感，香茅黃薑飯香有口感。朋友就揀咗瑞士雞翼麵。我偷咗一隻，味道都不錯，蕃茄湯好味 (朋友差唔多飲哂🙈)，如果雞翼可以更入味就更好了！整體而言，食物環境感覺都不錯，價錢尚算合理，有機會會再幫襯