金蘭花泰國餐廳 (已結業)

星期日唔想次次都飲茶，所以就同屋企人去左銅鑼灣食泰國菜。 我地今次去既金蘭花泰國餐廳唔惹少，除左多明星去之外，仲係中國飯店金馬獎中勇奪泰菜天王至尊大獎 (2016-2017)。我地去到叫左兩個午市套餐。第一個係海南雞飯(HKD 72) 加左椰汁紅豆冰(HKD 8)和小食青木瓜沙律 (HKD 38)。另外既就係船河 (HKD 72)加左泰式珍多冰 (HKD 5)和小食泰式炒通菜 (HKD 38)同埋泰式豬頸肉 (HKD 42)。呢間食店係不收加一服務費。先黎既係海南雞飯。賣相非常唔錯，雞肉無骨，而啖啖都係肉，非常鮮嫩，點埋佢地既秘製醬汁，一流呀。個飯味道唔錯，好香椰汁味，唔算油膩。個青木瓜沙律，分量非常大，青木瓜非常爽口，仲有蘿蔔絲，味道帶點酸同辣，非常開胃。另外佢有新鮮生菜，可以俾我地包住啲青木瓜同蘿蔔絲一齊食。我屋企人好鍾意呢個沙律。跟住黎既就係船河。佢個容器同食材既擺設好似一隻船。賣相唔錯，分量好大，有肥牛肉，豬肉丸(可選擇牛丸)，炸物同生菜同金邊粉(可選擇粉絲或者河粉)。 整體黎講，味道唔錯，個湯底夠哂濃味，分量又大，好重既泰國風。再黎既就係泰式豬頸肉，非常厚切，又唔韌，肉質鮮嫩

午餐選擇豐富，有船河同香辣mama麵供應係最驚喜，好似去咗曼谷掃街咁。三個人分別點咗船河、海南雞飯同香葉辣椒炒肉碎飯。碟碟賣相都靚，船河的炸豬皮好脆，湯底香；雞肉滑，飯夠香夠熱，飯有嚼頭，唔係碎米，醬汁惹味，讚；肉碎跟洋蔥豆角香葉一齊炒，香噴噴，辣度剛好，送飯食一流，成碟掃晒，青瓜番茄都冇剩。食得高興，係因為前排去其他泰菜館食同一款飯，材料只有飯、少量肉碎同紅椒絲，香葉一塊都冇，當場心碎。不過呢，今日美中不足係，跟餐甜品青 BB 椰汁糕岩岩巉巉，希望只此一次啦。間中拉埋幾個同事嚟食，鍾意坐得舒服，現場唔會嘈到拆天，店員服務勤快又有禮貌，午餐想食凍飲唔使加錢，最重要係冇加一。舖頭喺樓上舖，喺恒生銀行大廈同 CSL 中間條巷仔行入去，會見到個大廈入門嗰度上去就到，夠晒盞鬼。

這天要到sogo附近買嘢，朋友心血來潮話想食泰國菜， 帶路走到怡和街樓上食肆， 大廈入口不容易找，位於小巷，冇人帶路真係唔識去。我们喜歡地道正宗泰菜， 對新派或fusion菜較為有保留。 朋友特別推介此處 ，因為地道得嚟坐得舒服而且索價不貴。海南雞飯$68。 是我最喜愛的泰菜之一。 油飯甘香軟熟唔油膩， 粒粒分明充滿雞香飯味。 剩係個飯都咁精彩。 海南雞已去骨， 肉滑雞味濃， 再配上特別調製海南雞汁， 辣辣酸酸， 開胃之極!明爐烏頭魚$168 (酸梅湯)配菜香料極之豐富， 我們選了酸梅湯底， (因總覺得青檸湯底比較酸)， 味道有層次，不是單調的酸，極讚! 烏頭魚肥美肉厚， 配襯特製醬汁好惹味。泰式拼盤($118細)有齊幾款我至愛的泰式小食， 魚餅香口美味， 單骨炸雞翼炸得香脆醃得入味， 蝦餅炸得外脆肉質彈牙鮮味， 炸春捲也好吃極了， 春捲餡調味適中又唔会炸到乾身。椰汁冰雖是普通泰式特飲， 但甜度，椰漿味和冰塊調和得剛剛好，不錯!總括來說， 泰菜味道正宗， 店員服務殷勤， 窗邊卡位坐得很舒服， 會再來嘗試其他菜式和重溫我最愛的海南雞飯。