Red Rice 米飯主題餐廳 (億利工業中心)

营业中

休息中

其實呢間服務態度係一般，但係我覺得係個別嘅人，後生嘅態度ok㗎， 上菜時會提醒我哋小心 ，但係有兩位年長少少嘅一男一女就爭啲，成日得閒就喺門口傾計....好啦， 個鐵板牛肉鍋， 都係好食嘅，但係當然未去到pepper lunch嘅質素啦。 雖然冇影到韓式泡菜窩飯， 但都過得去。 至於海南雞呢， 佢畀咗雞髀位置， 雞肉嫩滑肥膏不太多， 但係醬汁比起真正海南雞醬油就差少少喇， 個雞油飯入面有蒜頭粒， 都唔錯。但係嗰杯珍珠奶茶， 真係唔係好掂， 仲話招牌飲品， 真係飲咗幾啖就放棄咗。

老婆今日晏食飯，於是在公司附近茶餐廳食個便飯。此處裝修新潮，鮮艷既顏色配搭人造草皮特色牆令餐廳年輕不少。 菜色選擇多，一般茶餐廳既粉面應有盡有，至於佢哋既特色小食亦唔少，我們特意點了其中兩種。 肚餓的老婆點了海南雞飯。雞肉頗為嫩滑，三款調味醬齊全，再加上雞油飯，不消十分鐘就吞曬落肚蛋包飯是這裡的推介，我就點了雞扒蛋包飯，半生熟雞蛋配上茄汁確實係送飯恩物，雞扒亦燒得惹味。 柚子雞翼頗有驚喜，焦香的雞皮配上柚子醬，油膩感全消，更凸顯左雞肉鮮味，三隻似乎唔夠食 煙肉炒雜菜亦是誠意之作，雜菜帶有煙肉既自然鹹香，滋滋聲既鐵板另賣相增色不少最後黎杯檸茶檸水，為一小時既放飯畫上句號

放咗工周圍搵食，行嚟行去都諗唔到食乜，算啦搵一間坐得舒舒服服嘅嚟食，咁就入咗呢間米飯主義，呢度一坐低就望到一個免費Wi-Fi嘅牌，係幾貼心嘅，跟住點左個海南雞飯，嗰啲雞油飯都幾入味，啲雞肉都幾滑，但係我個海南雞飯上抬之前，望到有個侍應姐姐將啲雞肉用啲水沖完隔水又再沖至上抬，可能本身D雞凍想令碟雞有保溫效果掛！佢呢度最驚喜嘅就係枱面上面嘅XO醬！小小辣，撈飯好好吃！如果諗唔到食乜可以嚟呢間米飯主義一試！

荔枝角新開佐紅米，好耐之剪在新蒲崗食過，味道唔錯，今次又試下。LUNCH時間好鬼多人，12點幾諗住走入去食，已經要等位，好在都唔算等好耐，基本上等佐大約10分鐘已經有位。間舖新開，裝修唔錯，好乾淨，D位都坐得舒服，餐具亦新，光線又夠。同朋友分別叫兩個LUINCH黎食，雞扒蛋包飯同海南雞飯。雞扒蛋包飯塊雞扒煎得好香，冇雪藏味，蛋包飯隻蛋亦好滑，可惜係就咁鋪在D 飯上面，如果有得包住D飯，俾我切開黎會仲開心！飯用茄汁煮過，都幾好味，不過嫌D飯唔夠熱，如果唔係就完美。另一個海南雞飯，聽講雞係用冇激素雞，食唔出係唔係冇激素，不過雞肉的確幾滑幾好食，加埋碗飯同個湯夠晒飽！埋單一百蚊有找，算經濟實惠！今次同個朋友齊齊食雞，睇餐牌仲有好多野食，以後都會繼續幫襯，試埋其他野嘅味道！