泰潮 (嘉咸街) (已結業)

今晚黎中環食晚飯，想食泰國菜，見到呢間幾抵食，於是入左去。我地揀左晚市二人套餐B，$298有八樣野，仲唔駛加一。冬蔭公湯好足料，會幫我地分埋兩碗，我個碗都食到兩三隻蝦、勁多菇菇，味道酸酸辣辣。酸辣鳳爪爽口，作為涼菜唔錯。泰式炸蝦餅拼春卷好好食。我推介蝦餅，啖啖肉，好厚身，而且熱辣辣。春卷都好食，兩個都香脆可口。泰式蒜茸炒雜菜有唔同種類既蔬菜，份量足。咖喱牛筋腩唔辣，牛筋有咬口，牛腩唔韌。海南雞係米芝蓮推介，果然嫩滑，而且份量多，雞皮都好食夠滑。泰國絲苗白飯同雞油香飯各一，兩者都係屬於我鍾意既乾身飯。泰式甜品有斑蘭大菜糕，略甜，食完真係好飽。

Thai cuisine 可以話係遠近馳名，平時諗食泰菜，9成都係去九龍城，不過今次我就反傳統，揾左一間位於中環 屬於米芝蓮級數嘅泰菜。睇門面介紹，呢度最出名係佢地嘅海南雞飯，所以選擇左個2人餐，入面嘅菜式都包埋海南雞飯。雞真係夠曬滑，而且唔肥，雞味都好出，點左酸辣醬之後更加惹味。由於我同朋友都係 健康主義者， 所以都係配搭白飯， 不過效果都係好好味。另外好欣賞佢呢度嘅椰青， 跟餐加一個都係25蚊， 但係嗰股清甜嘅感覺 絕對係咪有所值！

Happy Friday 同細佬入中環食泰國餐餐廳位置隱蔽，係小路入面，地鐵係上環行去近d餐廳裝飾好有泰國style，感覺簡潔地道！6:30pm去到可以直接入座～二人餐好豐富8款加埋都唔過$300，有齊我同細佬想食嘅嘢食泰國菜必叫鳳爪辣勁十足！帶有微酸，好開胃！份量多札肉肉碎湯係專人送上，用個迷你火鍋爐裝住，專人再幫手分成2碗個湯好多料，札肉香口惹味。細佬飲咗2碗！雜菜新鮮，款式同份量都幾多，蒜味幾濃炸蝦同春卷脆口惹味，配埋雜菜食，感覺冇咁熱氣細佬極贊牛筋腩咖哩，咖哩味似港式咖哩，牛筋腩大大件，煮到軟淋，配飯一流一碟例牌海南雞，雞肉嫩滑，沾點泰式甜酸醬食，味道絕配最後仲有椰汁糕甜品，為豐富嘅一餐畫上句號埋單$300都唔過，絕對超值

又為了迎接泰國之旅，再次在港食泰菜，今次自己搵到間米芝連級數的泰菜我知仲要喺中環，價錢來講仲好平民添青木瓜沙律-感覺好正宗，而且酸酸甜甜非常開胃春卷-外皮很脆，內裏嘅餡亦很多蝦餅-非常彈牙鮮味招牌咖喱豬頸肉-咖喱汁很濃，而豬頸肉很爽很有質感，兩者配合相得益彰海南雞飯-雞肉鮮嫩香滑，而且有雞味，去買海南雞醬食，味道更有層次，更豐富雞油飯- 勁好味，淨食個飯，唔食餸都可以食哂全個椰子果凍-埋單前還有甜品送，清甜而且有粒粒椰果肉

抵食米之蓮餐廳二人餐星期六去咗中環做facial，天氣熱特別想食越式泰式嘅嘢食，同左男朋友去左街市呢間食晚餐，之前我哋喺深水埗都食過，就試吓呢間中環分店質素係咪一樣好。中環嘅分店裝修特別啲，雖然唔算大間，枱都多，叫做坐得都舒服嘅。我哋叫咗個二人餐，嘢食咁多應該飽啦！啱晒男朋友呢個大胃王。冬陰公湯呢個冬陰公都幾足料，入邊有成五隻蝦，三粒細牛丸，菇類，番茄同埋其他配料。味道都幾啱我哋，酸酸地，有小小辣，椰汁味都好重，好有泰式嘅味道。泰式青木瓜絲沙律呢個青木瓜是沙律又係酸酸尾尾，少少咁多啦，好開胃。泰式炸蝦餅拼春卷蝦餅同春卷各兩舊，男朋友話炸得好食，啲油唔係萬年油。我覺得個蝦餅足料，彈牙蝦味重好食。泰式蒜茸炒雜菜多菜選擇，有木耳，椰菜花，西蘭花，菜心，粟米仔，紅蘿蔔，用蒜茸炒，吾齋。招牌牛筋腩咖喱牛筋同牛腩都吾小，加埋小小辣，用黎餸飯有一流，我碟飯都俾埋男友食～泰潮海南雞果然係米芝蓮推介，雞柔嫩，香滑，就算雞胸位都嫩，有鮮雞味🤣，好食。仲有兩碟飯。2人餐$298冇加一，前菜沙律，小食，湯，三個餸連飯連甜品⋯⋯抵！

呢間泰國菜，之前之前佢係米芝蓮餐廳，所以係澳門食過，今之揀左係中環呢間分店食，算係係中環區搵到間平平地既餐廳食下。餐廳位於排檔中間，門口有個好似泰國「篤篤車」既裝飾，內裡裝修就飲置身泰國街頭一樣。晚上時間有一人、二人同四人餐，亦有散叫的，見二人餐幾平，只需$268，而且又有呢度出名既海南雞，所以便點了一份！冬蔭功湯，這裡的冬蔭功湯湯底夠酸辣，帶有少少椰汁味，材料方面有勁多菇類，仲有蝦，岩哂中意食菇既我！海南雞係呢間餐廳最出名既菜式，雞肉嫩滑唔肥，仲配有個袐製醬汁可以點！雞油香飯，冇諗過係會咁大碟飯的，唔駛怕唔夠飽！個飯好香雞油味，但又唔會好肥！泰式青咖哩豬頸肉，咖哩唔會係好水既，辣度岩岩好，冇諗過豬頸肉同青咖哩咁夾！咖哩入面仲有泰式茄子同埋豆角！一啲蔬菜食下真係唔錯！泰式蒜蓉炒雜菜，呢度雜菜個味道岩岩好，唔會太淡，雜菜包括了椰菜、芽菜、紅蘿蔔、菜心、椰菜花等，岩哂唔想食咁多肉既女士！泰式炸魚餅拼春卷，魚餅唔算好油，春卷好脆！泰式甜品係椰青水做既糕點，非常清甜，食完濃味野可以清清！總括黎講，係中環區可以食到一個價錢唔貴又飽既泰國菜實在難得，而且店員服務也很好，有機會要再黎食！

今天好想、好想食海南雞，所以早在放工前做定功課，見到"泰潮"有不錯的評價，鐵定去試試看。店舖沒有靚裝，但店舖亦算乾淨企理。他們提供一人餐，一款主菜+一款小食+飲品+甜品，可顧及一個人到來但想多吃一點的人，很細心呢! 特前來吃海南雞，所以泰潮無骨海南雞飯是不二之選，同時也點了泰式猪脾飯，而小食點了猪頸肉串及無骨鳯爪 。泰潮無骨海南雞飯，雞份量好足夠，好滑好好味，飯有椰香，食落不太油，醬酸辣份量調配得啱啱好，好惹味。泰式猪脾飯，猪脾肉份量亦是足夠，味道好似比海南雞還要好，猪皮在口中融化似的，肉不會鞋口，猪腸亦沒有異味，醬汁令胃口大增，令人有追著吃的感覺。猪頸肉串沒有吃，所以不知味道如何，而無骨鳯爪略嫌太漿了，味道好一般, 而甜品 - 椰汁糕，味道勁似大菜糕，不是我杯茶. 總括來說，性價比高的一間餐廳。