九井壽司 (已結業)

生活在香港這個花花世界，每天也有大量新資訊爆炸般的衝擊著我們，食肆們要保持著新鮮感真的一點也不容易。今天帶著五歲的姨甥女來Megabox行街街，行經九樓時她就被<九井壽司>的新幹線所吸引。傻妹子邊叫著<火車啊火車啊！>就拉著我們入去了。😂😂😂店內光猛開明，位置也坐得舒適，桌上還有平板電腦用作點餐。剛好六點，二話不說當然要先點這個做特價的<海膽三色迷你丼>下單後只需等一會兒，新幹線列車就會把即製壽司送到面前，傻妹子很是興奮呢！不用擔心自己顧住吃會看不見列車到站，壽司送來前會在平板上發出響聲和彈出提醒視窗<海膽三色迷你丼>，壽司飯的份量不多再配上兩片三文魚和吞拿魚刺身外還有一小片海膽。雖然不是頂級級數但基本的新鮮和有魚味是做得到的，推廣價只需$20，性價比極高。別笑我沒大志，我覺得壽司飯很好吃。每顆也粒粒分明又飽滿，連一向<唔臭米氣>的我也把它吃光光。<帆立貝刺身>肉質豐厚而且極富彈性，味道鮮味甘甜。<牡丹蝦刺身>鮮甜味美的蝦肉加上豐腴甘香的蝦膏，還有細綿帶爽的口感都讓我印象深刻

去完大傢俬鋪買野諗住上food court搵食，兜兜下見到間新野寫新幹線，以為係"完汽"，但再睇下原來係唔同的。有1行卡位同3行bar枱位，每個位都有部平板落order。每次order最多4款野，出左order可以即刻再叫。呢間真係有個新幹線既車頭喺到，同埋拎完野食之後，架車1-2秒就會自動走。三文魚壽司，幾肥美。雖然張相比較啞色，但實際係鮮色的。燒芝士餃子雞翼，味道好得意，食落兩隻味好似混埋左一齊咁，初頭食唔到係咩味，食食下先分到芝士同雞肉味。火炙三文魚壽司 + 火炙帆立貝壽司燒完之後啲油更加迫哂出黎，食落口滿滿油香！海膽三色迷你丼，$20真係好抵食，雖然細碗，但剩係計上面啲刺身已經夠哂！

同姪仔係Mega box行完街，見有d肚餓想找嘢食醫吓肚，問姪仔想食乜，噤啱佢見到間壽司舖就話過去睇吓見到入面係用平板點餐和用高速列車送餐佢就話好得意想入去試吓既然係有得玩有得食，最重要係佢開心，就入呢間啦門囗還放置左兒童書籍等小朋友等位時可以解悶，好似還有免費玩具俾小朋友坐低睇平板都好多選擇，不過首先一定要選$20既海膽三色迷你丼原來呢個係每晚6點開始既限定優惠，每人限叫一個，之後我哋還選左：吉列牛肉薯餅、加州卷、軟殼蟹手卷、北寄貝、赤貝、油金魚壽司和甜蝦剌身。海膽三色迷你丼，飯既味道好鮮甜，海膽入囗好creamy吞拿魚入口新鮮美味，三文魚甘香肥美吉列牛肉薯餅，熱辣辣新鮮炸起，外皮脆，裏面牛肉和薯仔搞成蓉，囗感軟滑軟殼蟹手卷，咬落軟殼蟹感覺脆咯咯赤貝壽司，赤貝雖然唔係好大件，但食落口好爽甜油金魚壽司，入囗甘香，美味可口甜蝦刺身，蝦肉新鮮，香甜味美今次呢間都算唔錯，不過有些地方還需改善