炯記手撕雞 (汝州街) (已結業)

本以為有連續三天假期，可惜今個星期六突然要去深水埗上有關工作的工作坊，仲要九時至六時，真係…..嗚…..!工作坊一完結就跟同事吃餐好，當作心靈的慰藉。同事是深水埗的地膽，帶我來到這間小店吃手撕雞。大大個店名燈光招牌，好搶眼! 門口放了多塊餐牌，好多選擇咁。內裏環境光猛，設有數張二至四人枱，座位不多，地方雖少，但整齊企理。菜式選擇不少，有涼拌小食、飯/濑粉/米粉類、鵝油撈麵人火水、雙拼燒味類、二/四人套餐、小食、手撕雞腸粉、燒味例牌和飲品。*************************友人第一時間點了半隻麻辣手撕雞 ($68/半隻) ，好大碟，啖啖肉之外，亦加埋雞骨一同上碟，正！我最喜歡噒骨，貪骨邊的肉夠嫩滑，哈！雞肉有咬口，但絕不嚡口，全部都沾上辣油，香辣美味，仲越食越火辣，友人越食越滋味！*************************海蜇手撕雞腸粉 ($48) 是必食之選，還未影相就食了一些，忍不住口呀！腸粉柔嫩有彈性，口感佳，淋上甜醬、麻醬和芝麻，是最佳的拍檔，喜歡！手撕雞同樣啖啖肉，肉質比麻辣手撕雞嫩，味道鹹香，仲有些麻油香，我個人就較喜歡它多於麻辣味。海蜇口感更佳，相當

深水埗一向多美食， 今日就去咗朋友推介嘅炯記手撕雞吃午餐。餐廳光潔整齊， 店員服務有禮，好快我哋就落咗單喇。炯記煙燻燒鵝髀飯， 燒鵝髀原隻切件上， 外皮煙燻過脆卜卜， 裏面嘅鵝肉肉汁豐富 ，口感彈牙配上白飯一起吃， 感覺超滿足。海蜇手撕雞腸粉， 手撕雞一條條的配上芝麻同埋麻醬，好入味， 海蜇非常爽脆 ，腸粉好嫩滑配上甜醬， 三樣一齊食幾有滋味㗎。脆皮燒腩仔撈麵， 粗麵用鵝油撈過， 又香又彈牙， 燒腩仔的外皮好脆， 裏面嘅腩肉又嫩又多汁， 唔會太鹹。麻辣豬肚絲，豬肚切成細絲，沾滿咗麻辣醬，既爽韌又麻辣， 好有咬口。我同朋友嗌咗兩杯凍奶茶， 餐廳嘅冷熱飲品都係加五蚊。炯記手撕雞最值得推薦嘅就係燻燒鵝髀飯, 我會介紹畀我嘅朋友，下次經過深水埗一定要過嚟試下。