炯記手撕雞 (汝州街) (已結業)

深水埗一向多美食， 今日就去咗朋友推介嘅炯记手撕鸡吃午餐。餐厅光洁整齐， 店员服务有礼，好快我哋就落咗单喇。炯记烟熏烧鹅髀饭， 烧鹅髀原只切件上， 外皮烟熏过脆卜卜， 里面嘅鹅肉肉汁丰富 ，口感弹牙配上白饭一起吃， 感觉超满足。海蜇手撕鸡肠粉， 手撕鸡一条条的配上芝麻同埋麻酱，好入味， 海蜇非常爽脆 ，肠粉好嫩滑配上甜酱， 三样一齐食几有滋味㗎。脆皮烧腩仔捞面， 粗面用鹅油捞过， 又香又弹牙， 烧腩仔的外皮好脆， 里面嘅腩肉又嫩又多汁， 唔会太咸。麻辣猪肚丝，猪肚切成细丝，沾满咗麻辣酱，既爽韧又麻辣， 好有咬口。我同朋友嗌咗两杯冻奶茶， 餐厅嘅冷热饮品都系加五蚊。炯记手撕鸡最值得推荐嘅就系熏烧鹅髀饭, 我会介绍畀我嘅朋友，下次经过深水埗一定要过嚟试下。