韓閣 (已搬遷) 新店位置

好耐冇行路德圍，多左好多新食肆, 茶飲店等等，今次就試左近力生出口既韓閣。餐廳內都好多客人，但位置都尚算舒適。一坐低職員先送上3碟泡菜，我地亦點左一枱美食。先上枱既係牛肉雜菜手卷，帶有濃濃既芝麻香味，餡料配搭都好夾。甜辣炸雞(半份) - 肉質真心嫩滑，炸雞亦做到外脆內軟既感覺。個人食五到太辣，呢到既辣度都有得選擇，相當貼心。海鮮煎餅 - 相對咁多樣食物入面，呢個菜式最有驚喜。薄餅香脆軟糯，配搭合宜。食完我地真心想再ENCORE。芝士年糕鍋 - 同樣可以要求微辣，芝士年糕呢D泡菜迷妹必食既野, 我又點會放過。人参雞湯鍋- 真心性價比極高，而且紅棗同糯米fill 滿全雞, 人参亦好出味。以$128呢個價位黎講，真心CP值好高。仲有泡菜炒五花肉，圖為一人份!!!

算係荃灣好食既韓國菜但入面好細 位唔算多 唔岩大班人慶祝 同坐好耐不過小人既話等位都唔算好耐 15-20分鐘到1️⃣蜜糖牛油味炸雞HKD$98睇落幾好 食落唔錯但佢唔係新鮮雞 係雪藏所以肉質唔算好滑而且半份唔係半隻雞係亂咁比d部位你炸粉唔厚 炸得幾脆 但蜜糖會有小小太稀 撈得唔均勻不過係炸得幾好食既會愈食愈甜 多d人Share 好d.2️⃣海鮮煎餅HKD$68海鮮足料 有厚度唔係脆既煎餅有配沙律醬 但點唔點都okay 唔會太鹹太油 都算幾香口 魷魚夠煙韌有口感 真心唔錯.3️⃣紫菜粉絲卷HKD$20有5粒 入面都夠熱 但炸得太勁 紫菜唔脆就係唔特別唔洗食.

去左路德圍食韓國餐，雖然店鋪細細但好多野食。一坐低韓國菜指定動作，店員奉上兩款餐前小食，泡菜同菠菜，先叫個傳統的小食海鮮煎餅($72) ，估唔到都咁大份，材料都多，海鮮有魷魚、蝦仁、章魚，韮菜。味道唔算濃，蘸啲沙律醬更好味。之後叫炸雞，驚叫半隻食唔少，叫了個只有雞翼同雞膇的炸雞，超香牛油味的脆爆雞膇翼$58，熱騰騰香噴噴，勁鬆脆,餐廳還提供膠手套，真細心。不得不讚係加幾蚊就叫到杯特飲，加$5有人蔘蜜，好香人蔘味，去邊搵。再來加$14 有杯柚子青檸特飲，有鮮檸檬同青檸檬，夠晒怡神。

有人會覺得開食肆一定要開係啲食店林立嘅地區，人流多嘅時候食客自然會揀到你；都有人話開食肆要開係啲旁邊冇其它食店嘅地方，食客就一定要食到你。呢個問題都幾值得探索下，不過無論如何，今次我想講嘅係呢間位於荃灣路德圍嘅韓式小店「韓閣」，認真藝高人膽大！路德圍可以算係荃灣最多食肆小店林立嘅地方，但係「韓閣」係位於路德圍嘅邊境，人流比較上唔會好密集；更甚者，其實佢個位置都幾唔顯眼，門口對住一個冷落商場-力生廣場嘅入口，如果唔係要穿過力生廣場上地鐵站，真係比較少行到過去。作為荃灣人，老實d講，其實呢間小店我都係最近先發覺，唔係今日喺荃灣行街突然心癮想食韓國菜，我都未必會探索到呢度。從面門睇，鋪頭的確唔係大，裏面大約可以坐20多個人。我哋星期六下晝1:30左右到達，店舖已經座無虛席，好彩只係等左一陣，好快就有位。入到去嘅時候，見到老闆係香港人，店員係50幾歲嘅Auntie，估計其實呢間韓國菜並唔係由正宗韓國人主理；不過呢個唔係大問題，反正連鎖嘅韓國食店都唔會係由正宗韓國人主理，食物味道質素先係最重要！一間小店，餐牌都有成七，八頁！選擇非常之多！石鍋飯、韓國拉麵、紫菜包飯、鐵板炸雞乜都有！而且餐牌圖文並

今日同友人去咗荃灣行街，當然唔少得要食個晚飯啦。話說同友人對上一次去旅行就係去咗韓國👍🏻講開韓國我哋有心引起所以就揀咗間韓國🇰🇷餐廳！荃灣多美食就大家都知🤤但有間開咗無耐嘅新野就真係今日先知道！去到門口嘅時候都有成10幾個人等緊位，但我哋都冇放棄，最後都只係等左10分鐘就有得入✌🏻餐廳以快餐嘅模式經營，所以都快有得坐低，冇耐我哋已經決定咗叫啲咩啦！🤗叫咗個海鮮煎餅，五花腩炸醬麵，蟹醬石鍋拌飯，脆爆雞翼，同埋一碗魚膏湯，另外嘢飲就叫咗橙汁菠蘿梳打同埋青檸柚子蜜。首先黎既係海鮮煎餅，望落去色澤鮮艷，食落去外脆內軟，仲有好香嘅蔥味👍🏻同我地喺韓國食嘅有得比呀！跟住就係蟹醬石鍋拌飯，韓國嘅蟹醬非常出名，鮮甜味美👅而呢一度亦做到一樣嘅味道喎！又夠熱，其他材料都配合得好好！再加埋個辣醬撈埋一齊正呀！同友人都爭住食😂跟住黎嘅就係五花腩炸醬麵啦！個炸醬麵黎嘅時候我哋已經感覺滿意！五花腩好多，一啲麵唔吝嗇😂撈好即刻試一啖🤤直頭要俾個手指公！真係好好味，好似身處喺韓國咁呀！魚膏湯方面，記得以前係韓國每一日嘅宵夜都一定係食魚膏湯加紫菜包飯哈哈！呢度嘅同韓國都好似，但係佢嘅特別之處就係加左兩粒芝士沙律丸，好新

我個好朋友，超鍾意韓國嘅文化，所以香港每一間韓式餐廳，佢都試均哂咁濟，今日約佢出嚟食飯，佢話帶我去食一間又正宗，又夠地道，仲要係親民價嘅韓閣，平、靚、正，啱哂我距離地鐵站都係5分鐘左右嘅路程，去到門口，其實門面都幾得意，相信好多人路過嘅時候，都會忍唔住入去試下餐牌入面種類都有好齊，石鍋飯、部隊鍋、湯、韓式炸雞、炒粉絲，你諗得出，佢都有，就算我哋係食晚市正價，價錢都真係幾平，一於任叫，唔理喇估唔到當我仲同朋友商量緊食咩嘅時候，服務員就遞上前菜三小碟，我好欣賞佢個芽菜，因為係出面食開嘅，都好重麻油味，感覺比較肥膩，但呢度個調味十分適中，不錯啊韓式炸雞就肯定必叫㗎啦，當我地落order嘅時候，侍應同我地講今日嘅雞已經賣晒，問我地介唔介意轉做炸雞翼，我心諗，仲正啦，用筷子都食到，唔使帶手套，仲方便，yeah我哋揀咗甜辣炸雞(小辣)(半份)，上菜嘅時候，熱辣辣，見到咁多汁，真係流晒口水，食嘅時候，仲食到脆博博，雞肉嫩滑多汁，相信真係香港少有嘅高質素跟住就係韓式煎餅啦，分量同其他地方食嘅嘅差唔多，但價錢真係偏平喎，只係$68,入面嘅魷魚夠彈牙，班戟味咸咸香香，再配埋蛋黃醬，認真唔錯雖然我哋兩個女仔

睇韓劇最鍾意睇到韓星成盤炸雞咁食呢間人氣小店簡直超抵食，7點未到都已經要等位款款菜式都唔使100蚊，仲免加一店員都細心照顧到食客需要👍前菜亞之媽炸雞$88（細）有半隻雞以上既份量！個醬汁好惹味，唔食得太辣可以叫小辣個汁加埋炸到熱辣辣既雞食，好滿足喔😻😻海鮮煎餅$68 海鮮同韮菜好足料！下雨天我就會點這個煎餅吃，別有一番風味蟹將軍火鍋🍲$88勁足料火鍋，有韓國粉絲(好煙韌），最驚喜係有松葉蟹肉啊，人手拆架😳火鍋韓國蟹膏醬都好好味啊以88蚊黎講真好抵食藍海傳說$38好奇幻既飲品，味道好清新唔會勁甜最岩影相呃like

同幾個朋友帶埋小朋友出黎荃灣聚下....一嚐此新店脆爆雞膇翼- (可選甜辣/柚子/蜜糖芥末醬)揀左柚子醬汁雞翼即叫即炸 熱辣辣 炸到脆卜卜  醬汁 酸酸甜甜 開胃醒神韓式牛肉炒粉絲 韓國傳統菜式...擊式粉絲其實就好似酸辣粉d薯粉咁嘅口感 會比較飽肚眼見份量都唔少...最後都食唔晒鐵板牛小排+芝士板呢個有驚喜呀牛小排好入味 肉又夠juicy~ 芝士底可以拉到好長好長之餘 仲加左芽菜同年糕呢個豬骨湯雞絲湯烏冬同牛肉雜菜卷係叫俾小朋友們開心share架..見佢地食到咀海鮮煎餅 (餐牌寫住人氣料理)侍應1放低已經俾朋友偷食左有蝦同魷魚同韭菜  入口好香好脆口特飲蜜桃茶同柚子茶蜜桃茶我嘅...不過不失啦...