茶理史 (已結業)

平時好少幫襯茶飲店，皆因年紀大左，傾向飲水或者無糖黑啡，但有時戚起條根就會好想好想飲奶蓋，今晚條根就戚起左啦望下menu，三秒時間就決定好啦，海鹽雲頂芒芒，呢個名直接聯想到好味好味好好味重有我想要既奶蓋，沒有不order的理由。首先試左個奶蓋先，又豐又綿，啖啖咸香，我滿足啦☺️個芒果茶都唔錯，果肉好甜哦，亦好解渴，我鍾意

旺角中心係中學時期最愛到的地方～近幾年旺中內開左好多小食店，食完d 煎炸野，配返杯野飲，真係人生一大樂事👻之前試過"唇茶"，今次就輪到"茶理史"💓 原來佢係地舖～叫左兩杯野飲出茶好快，我前頭係有幾個人等緊嘅😉1. 海鹽雲頂芒芒👍高分係比呢杯，芒果味濃，好甜(初時仲擔心會酸😅）有啖啖芒果肉同果蓉，口感豐富💋奶蓋選用海鹽，比較特別～完全提升左芒果茶嘅味道，好夾～2. 菠蘿松柏烏龍菠蘿攪碎了，比較細粒，烏龍味未算太濃，因為一次過試"海鹽雲頂芒芒"、相對地，呢款較一般😅 中規中矩～

起旺角中心行完野 都會去平時幾鐘意去既茶理史 買佢既海鹽雲頂芒芒飲🥰雲頂係奶蓋不過比起其他手調飲品更獨特之處係佢唔係主打有啖芝士味🤨而是選擇左以海鹽調味 搭上好濃芒果味加上輕輕澀既茶 😛做到呢杯同時感覺到芒果同茶既輕怡 又嘗試到奶蓋既厚實 配海鹽破格得黎又好飲 😘有時食飽 無咩胃口 定係起旺角掃街食得太多油肥食品 食到個肚唔太舒服 🥺可以黎茶理史飲返杯海鹽雲頂芒芒都係一個唔錯既選擇 飲落喉嚨舒服 個肚都舒服啲 真係心情舒暢啲呀👍🏻不過飲過幾次 好似灣仔分店沖得最好飲