十三少 (已結業)

今次黎到元朗呢間食魚，餐廳樓底好高，坐得幾舒服😛二人餐都份量好足，食到好飽～🔸二人餐（HK$388）🔸涼拌土豆絲前菜揀左呢個凍冰冰嘅薯仔絲，酸酸甜甜，幾清涼開胃，蒜頭味都幾重🥔🔸水煮魚店員上枱超大盤，冇得揀辣度，本身驚上面咁多辣椒會好辣🌶但食落其實都唔會太辣😂入面有魚肉、芽菜同寬粉，魚肉食唔到骨，如果麻味再重啲就更好🔸蒜香蟹飯今次冇食白飯，試咗呢一個蟹飯，套餐菜單寫係細size，但見店員上枱時都係好大😂有原隻嘅蟹，可以將蟹膏同蟹肉撈埋有蒜香嘅飯到，有荷葉包住，都幾入味，兩個人最後都食唔晒😆

午餐時段與媽媽由走大街小巷覓食，發現又新街新開酸菜魚餐廳，更得知原來媽媽從沒品嚐過酸菜魚，便毫無疑問進內試試。少有酸菜魚餐廳採用冷感黑白色，整體傢具光亮整潔，我倆在午餐期間，更看到職員執拾用完碗筷後，使用帶有青蘋果味的消毒酒精清潔枱面，那既整齊又乾淨的環境使我倆在疫情下可放心用膳。二人套餐包括涼菜、主菜、小菜及白飯，還可添加甜品，套餐非常適合貪吃的我倆，可一次過品嚐多款食品。前菜與餐牌及土豆絲幼細口感輕爽脆，花椒油小辣味道帶出惹味同時符合前菜輕食的清新感，淡然的辣度像是提醒了我們，辣味之旅將要展開了～青瓜粒大小如骰仔容易入口，爽口而不帶草青味，撈有惹咪蒜汁口感滑溜而不油膩，淡淡蒜頭香在口內迴腸盪氣，齒頰留香。酸菜魚採用了一貫大面盆容器作風，呈上時份量十足，但職員仍然小心翼翼輕放，還介紹魚湯由魚骨熬製而成，建議可先品嚐湯底，果真可品嚐到與別不同的魚骨湯頭香，辣味混合了花椒與椒油香，小辣辣度剛好與酸菜酸味平衡中和，魚片大小如刺身片般，口感爽滑可稱上脆魚片，近魚皮位置更彈牙，整體油膩度可接受，油膩感不太重。例牌份量白切雞浸在有調配過的醬汁辣油中，輕辣中帶鹹香，雞肉尚算嫩滑，但略嫌雞肉與骨比例

之前已經同朋友食過一次，不過係喺香港仔真係有啲遠😂但原來元朗都有分店，所以去再食😋我哋都係食滋味二人套餐，因為真係好抵食三百幾蚊有涼菜、主菜、小菜仲有甜品😋🍴涼拌土豆絲爽口，酸酸辣辣非常開胃，唔會太辣，唔食得辣嘅人都食到。🍴十三少酸菜魚兩個人嘅份量黎講，真係好多🤤不過就係多先滿足到我😂魚肉非常嫩滑，完全零魚骨，酸同辣嘅比例啱啱好👍🏻🍴口水雞肉嫩多汁，麻辣鮮香，入口滿足，而且仲非常入味🤤呢個辣度啱晒我，越食越過癮🍴紅糖糍粑用紅糖同糯米製作而成，外酥內軟，超好味，每次食酸菜魚都必點嘅👍🏻餐廳裏面都好闊落，坐得舒服嘅～食酸菜魚又可以多個選擇，真心唔錯

發現元朗最近開了一間食酸菜魚的，就趁未有太多人知道時，盡快去試一試！餐廳不能預約，好彩到場排隊時人不多，等大概10分鐘左右。最後選了二人餐，份量很足夠，有前菜，酸菜魚，主菜及兩碗白飯。🥔涼拌土豆絲口味酸酸辣辣，口感爽脆，蒜蓉味有點濃，做前菜有開胃的效果。.🐟酸菜魚魚肉很滑，魚骨清得很乾淨，啖啖肉食得很過癮。口味迎合大部分香港人不太能食辣，是小酸小辣。還有少量萵筍，還可以另外加配寬粉。.🌶乾煸四季豆四季豆爽口，帶微辣，很有鑊氣及香口，食到停不下來。.🍬紅糖糍粑這是用糯米粉製成一條條去炸，即叫即整，外脆內軟，糯米淡口，跟甜甜的紅糖漿很夾。食酸菜魚最後要食這個甜品才算完美，所以最後幾飽都加配了一份，食不完打包拎走。.這間的酸菜魚暫時是在香港食過最好味的，其他菜式都不錯，值得推薦！

餐廳：十三少地區：元朗地址：元朗又新街56號置富中心地下1-3號舖日期：30/9/2021時間：1:00pm人數：2人 等位： 0mins 價錢： ＄403屋企人之前係中環食過尼間分店覺得好好食，見元朗開咗間分店趁假期去南生圍踩單車嘅時候就決定去試一試😚一入座就好細心有提供口罩套同埋凍水，當日好熱🥵即時透心涼🧊，我哋望左陣餐牌發覺二人套餐比較優惠😚嗌咗個滋味二人套餐（$338），涼菜揀左涼拌土豆絲，主菜揀左水煮魚，小菜揀左麻婆豆腐😋桌上提供黃金豆，香脆可口，我哋好中意食，等野食嚟嘅時候食剛剛好😝 餐廳仲好得意用真嘅花生來做筷子既托😂 又環保又實用😆土豆絲🥔酸酸辣辣好開胃，清爽香辣極易下飯，酸中帶點辣，辣中透著麻，現在恰巧是夏天☀️，熱得冇胃口時，尼道前菜會是一個蠻好的清爽開胃菜😙。麻婆豆腐非常嫩滑，夠麻夠辣夠香🤤，絕對可以稱得上係我哋食過最好食嘅麻婆豆腐🤩水煮魚入邊已經配有紅薯粉、豆芽、青瓜，魚同配菜既份量都好多，魚肉肉質鮮嫩細滑，每片魚肉都非常大片，完全冇骨，食得安心又開心🥳唔好見表層充滿爆香左既辣椒同花椒好似好辣嚇窒咗，我食開譚仔三小辣就覺得剛剛好😌最後仲加多左份紅糖糍粑😛 糍粑呈現

元朗又新街嘅十三少最近開張，所以就試一試新舖。食之前已經略聞呢間餐廳極速擴張，自己search下OpenRice都見有幾多個「New」舖，不過咁！開得快又關我鬼事咩，即刻入正題。環境：☑️☑️☑️☑️☑️可能係新舖，環境乾淨好坐！當日係星期六晚市時間，walk in排20分鐘有位，算係咁啦！（排多5分鐘我走硬）味道：☑️☑️☑️☑️主菜嘅酸菜魚份量好大，湯底夠酸夠辣（唔係辣到飛起嗰隻），魚肉滑嫩。其餘嘅炒四季豆同土豆絲都味道香口。性價比：☑️☑️☑️☑️☑️當晚叫咗個2人餐，性價比好高。$338包土豆絲、四季豆、酸菜魚、兩碗飯。只係我口痕用套餐價叫多個紅糖糍$28，埋單$402

前排同男友經過呢頭見到呢個位置封起左圍板準備開十三少🎉我同男友好定期就會想食酸菜魚，知道開左張拿拿林過黎試下，因為聽講個名係"十三X"開頭既川菜水準都好高😯 (雖然我唔知佢地有無關係😅)呢度人手充足，店員服務超殷勤同勁有禮貌😊出菜速度仲好快👏一坐低就有碟脆卜卜既炸豆做前菜，勁香脆！ (我本身好中意食但我唔知佢叫咩名🤣)呢度用左花生代替筷子托，好搞笑😂我地叫左個二人套餐⭐涼拌土豆絲土豆絲切得好平均，口感清爽唔會太辣，開胃一流👍❤️十三少酸菜魚揀左default既辣度，相信大部分人都接受到，一黎到見到超大兜嚇親我地，即刻覺得呢個二人餐好抵食！😂😂 店員同我哋講個湯底係每日用鮮魚熬製，建議我哋飲咗湯先再食魚😊飲落的確同平時食既酸菜魚唔同，呢度既湯底係會多左層鮮味，而且充滿芝麻香😋 魚同酸菜既份量都勁多！魚肉超嫰滑，仲有萵筍同菇等等既配料，萵筍爽口，菇都好入味😋⭐乾扁四季豆又係勁大碟😂 整得算乾身，唔油膩，不過食落我覺得仲有少少豆既青味 (我麻麻地但男友中意呢陣味😂)❤️紅糖糍粑加28蚊就有八大件😵同店員講甜品起得之後廚房就即刻整，熱辣辣好香口😍 裡面口感非常煙韌，點埋好香又濃郁偏稠既紅糖汁好正😋

又新街b 仔個位開左三間新野其中一間食川菜入面行工業風，而且d 位都幾闊落平日lunch 有set午市set 有前菜，主食，飯同飲品價錢都ok提供埋口罩套，仲有粒花生擺筷子😂土豆絲酸酸地，唔辣～但夠哂爽脆酸菜魚超級大份，入面有魚，窩荀，菇同蘿蔔片配料份量都好多，足夠三人食呀店員推介連湯都可以飲埋魚質好滑身，夠酸味～ 窩荀都甜又爽口水雞又係份量勁足，醬料微辣雞件好嫩滑，又夠味，好食～～白飯都大大碗，而且飯味香食埋甜品糍粑～新鮮炸起，外脆內軟入面又煙韌～點埋紅糖食，正又新街夠近～終於有間可以encore 既川菜啦