今鮨 (已搬遷) 新店位置

 玩 LUBUDS 現金卷玩得開心，吃了幾餐中菜之後尋覓集團的其他餐廳，自然是西菜及日菜，走高檔路線的幾間，在疫情期間堂食沒有優惠，更加應該把握現金卷的折扣。本來不想在疫情嚴重下吃廚師發辦，擔心貨源不足會影響質素，但神推鬼㧬下訂了一直想試的「今鮨」，周日中午一頓壽司發辦，只期望能吃餐好，不奢求驚喜。可惜被我猜中了，每位$888/13款的壽司發辦水準平常，主要是刺身以白身魚為主，魚款普通，鮮度未為頂級，欠缺我最看重的餘韻，壽司長陳師傅亦不在場；雖說如此，有我喜歡的赤醋飯及幸好調味方面有兩道值得欣賞:帆立貝壽司 以青檸汁調味本不新奇，但份量恰到好處，平衡得好好，沒有蓋過帶子的鮮味，口感極清新，帶子非常爽脆。池魚壽司 出場在深池之後，起初甚懷疑，因為池魚味淡，但這配了牙蔥薑蓉的池魚壽司咬落甜甜酸酸的，並非淡出鳥來，出奇的口感令我喜歡。請教師傅，但他回答池魚沒有醋漬過，後來我終於想通了，討好我的酸甜味道應該來自赤醋飯，想不到，會有這效果！刺身魚方面，石垣鯛很肥，粉紅白肉交替美如瑰玉，忍不住欣賞多一會兒才吃。今日的大拖羅亦是水準之上。其他食品中規中矩，以沒有環境下取價不低，唔算值回票價。詳情如下

為怕限聚令放寬後街上及食肆內會變得人多擠迫，肥肥家族就提早幾日於週四晚預祝母親節，地點就大肥爸爸留喺中環，一家四口去試佢公司附近一家壽司屋「今鮨」。位於萬年大廈嘅餐店交通絕對方便，只係藏於一樓嘅暗角未必咁起眼。小店並無花巧之裝潢，以木為主嘅間隔簡樸得黎仍滲出和風嘅味道。步入正門，右方為可容納十二人嘅壽司吧，由三位師傅所掌舵。相片可能有點兒模糊，但其實客人與客人間都擺放咗一塊透明膠板作隔開之用，衛生意識夠強，抗疫果然有計。左邊則有兩張四人散枱。大肥教落，食壽司一定要坐壽司吧先可品嚐到海鮮最新鮮嘅一面。吧位嘅桌上有自用餐巾及木筷子，簡單但已足夠。場內只有經理哥哥一人負責落單、上菜、斟添酒水，但其效率確真奇高，而且細心周到。可令別號為「水怪」嘅XO仔隻酒杯及茶杯長期保持常滿狀態，實屬難得！入座後除咗熱茶之外，仲有濕紙巾一張。為頌親恩，小肥特意自備咗兩枝靚靚媽咪最愛飲嘅佳釀清酒。正常開瓶費要額外收取$300/樽，但當師傅得悉晚餐主題為慶祝母親節時，佢就好大方咁即場免咗佢，以作其小小心意，好客之情多麼的溫馨！晚市餐牌只有「廚師發辦壽司刺身」（$1,980/位）及「廚師發辦壽司」（$1,680/位