影片
更多
2023-12-21
1394 浏览
錦滷雲吞，過份傳統喇喎﹗細細粒肉仔配大大塊雲吞皮，我要大大舊肉餡細細塊皮架。都唔明點解有朋友要大大塊皮，要豆丁咁細既餡。傳統清淡錦滷汁，微酸微甜不會太濃，少少青紅椒洋蔥味道，悶悶的靜靜的。清炒菜芯，簡單就是美﹗少少鹽少少蒜酥吊吊味，食材鮮爽甜嫩已極具美味！凍檸蜜，天然靚蜜糖，大啖吸啜滋潤透心涼。啫啫雞煲，無豬膶既？無豬膶都係啫啫？只能說是薑蔥爆雞吧，雞皮竟然係脆架喎﹗我想食粉粉的蒜子，但無蒜子提供。雞肉醃味清新，肉嫩吸引美妙，無法挑剔﹗其貌不揚，但食味一流。紅棗糕，要預訂的自家製糕點。已經沽清無一底買呢，好采仲有四件散賣剛剛夠分。食得出非一般手工出品，匠心獨允手藝超卓，軟綿鬆軟啖啖都係紅棗肉，似年糕味道，但更鮮更清新。宜人的甜，不濁不膩，難得難得。老闆娘突然走近稱大財團有意挖角，想買斷師傅帶埋秘方做此紅棗糕，不過師傅一口拒絕，嚮往自由真香港人！懷舊狗仔粉，還以為跟十八座一樣係腍啤啤碎濕濕粗麵，竟然係銀針粉，實在太喜歡亦太感動了﹗先灼汆出透徹乾淨不油膩，烹煮得宜滑嘟嘟帶香甜麵粉香。鮮甜湯底靈魂所在，有老媽客家的味道，菜甜蝦米咸鮮冬菇幽香雞湯清新，全部灌入一滴不溜。釀豆腐湯，釀豆腐及爽甜生
凍檸蜜，天然靚蜜糖，大啖吸啜滋潤透心涼。啫啫雞煲，無豬膶既？無豬膶都係啫啫？只能說是薑蔥爆雞吧，雞皮竟然係脆架喎﹗我想食粉粉的蒜子，但無蒜子提供。雞肉醃味清新，肉嫩吸引美妙，無法挑剔﹗其貌不揚，但食味一流。
紅棗糕，要預訂的自家製糕點。已經沽清無一底買呢，好采仲有四件散賣剛剛夠分。食得出非一般手工出品，匠心獨允手藝超卓，軟綿鬆軟啖啖都係紅棗肉，似年糕味道，但更鮮更清新。宜人的甜，不濁不膩，難得難得。老闆娘突然走近稱大財團有意挖角，想買斷師傅帶埋秘方做此紅棗糕，不過師傅一口拒絕，嚮往自由真香港人！
懷舊狗仔粉，還以為跟十八座一樣係腍啤啤碎濕濕粗麵，竟然係銀針粉，實在太喜歡亦太感動了﹗先灼汆出透徹乾淨不油膩，烹煮得宜滑嘟嘟帶香甜麵粉香。鮮甜湯底靈魂所在，有老媽客家的味道，菜甜蝦米咸鮮冬菇幽香雞湯清新，全部灌入一滴不溜。釀豆腐湯，釀豆腐及爽甜生菜在淡淡豉油湯浮潛，夾一舊結實豆腐藏著嫩彈魚豬餡，沾上頭抽品嚐更惹味，好食好食。
清蒸馬友，不容置疑蒸煮出色，嫩滑緊緻雪白魚肉，天然魚甜味在齒舌間遊走。蔥花魚汁淡豉油撈埋白飯釀入嘴仔，美極妙哉。腐乳蒸排骨，腐乳醬調得濃稠，咸香撲鼻不嗆不濁，啜得起勁，肉質有趙頭，撈飯一流停不下來。炸豆腐，炸得透徹鬆化，乾爽外脆內嫩，陣陣豆香極香口，無得彈。
松茸黑蒜湯，清淡中飲到神秘黑蒜味，甜中帶點酸帶點咸，醇美追住飲。松茸黑蒜湯、滷水鴨片、北菇鴨汁魚唇、兩碗絲苗香飯，味味精彩滿足到不得了！獨居老人的殷物，柔和湯水配搭巧手小菜浮現住家的味道。雖然有食客反映平凡無奇，但非常合我心意，鯨吞兩碗飯都未能平息我的衝動！本想點雙滷水鴨掌做飯後甜品，但剛被隔枱搶先吃掉，陰鬼功。
北菇鴨汁魚唇，極奇爽甜的菜芯伴碟。北菇的骰有趣爽彈滑無比，魚唇彷似魚翅裙邊，充滿海味鮮甜，膠黏爽質地十分高檔，蠔汁完全滲透，直頭一小片可以送半碗白飯。滷水鴨片，其貌不揚看似乾爭爭，但鴨肉味濃不羶。滷水清香非凡，嚥韌瘦肉配爽脆油香鴨皮，無論如何都要食多兩啖飯。
滷水鴨片炸豆腐，墊底的炸豆腐亦不甘示弱，索盡滷水鴨汁，鬆化微脆，外香內嫩，搭乘鴨片齊齊塞入，食得我舔舔脷。雲苓白术扁豆衣鱆魚粉葛湯，清爽舒服淡淡然的味道，飲完生龍活虎、渾身是勁﹗清湯牛腩，腩肉鬆化滑滑味道清香，蘿蔔非常清甜，軟腍爆出可口湯汁，吃掉整碗飯，湯汁一滴不漏被消滅。
陳皮鴨腿湯，極濃豉油滷水湯汁滲入鴨腿內，肉質結實而乾，嚥嚥韌韌，雖然啖啖肉但欠肥美彈滑。味道過濃難以作湯飯，先試兩啖都係吃不消。五珍湯：靈芝、姬松茸、舞茸、猴頭菇、蟲草花，不含半粒味精的靚湯，補身補健，清淡有益，熱騰騰越飲越好味。金蠔皮蛋瘦肉粥，瘦肉竟然係肉碎，嚥韌而味道偏淡，幸好粥底有微微肉甜，搭著可口皮蛋享用仍是不錯。金蠔肥美鮮味透頂，甘香滋味，鬆軟滑滑回香不斷。
豉油皇炒麵，芽菜無草青味連我都食得到，爽爽水潤只不過甜味不足。生老抽比例巧到好處，咸香不濁，麵質軟彈。豉油皇炒麵撈金蠔皮蛋瘦肉粥，最愛麵條拼粥水，麵跟粥可遠係天生一對﹗滾熱辣地融合，將威力發揮極至，味道提升千倍萬倍，食得津津大味。
椒鹽豬扒，苦等十幾二十分鐘，終於隆重登場。外層微脆咬到索索聲，堅得堅正﹗肉質有咬口，味濃非常出色，配碗菜飯必定不得了﹗看得到的肉汁閃閃發光，外脆內軟美味的選擇。老黃瓜赤小豆排骨湯，不太喜歡黃瓜湯，明白有益都照要吧﹗清淡無味精，熱熱灌入暢快。生滾魚片粥，早粥比夜粥好食得多，有滾水味既？加過水嗎？粥底非常淡近乎白粥味，少有的要我加豉油增味，魚肉有點鞋有點魚鱗。
京蔥燒魚，煎封到金黃色，貌似飛起一樣狀甚生猛﹗魚皮焦香極鬆脆格外索汁，晶凝通透紅燒汁，香甜帶著清新京蔥芬芳，魚肉細嫩，淨食可口，撈淡口粥食同樣一絕。北菇螺片魚唇雞湯，菇味特濃又突出，濃郁雞味魚唇味緊隨出動，黏厚的湯汁格外可口，清新住家湯味道，柔和輕甜熱熱不停灌大滿足。
滷水拼盤：牛舌、墨魚、生腸，軟綿清香牛舌片，嚥韌甜美墨魚薄切，爽脆清甜鮮生腸片。上湯伊麵，等了又等遲遲未到，隔離四眼肥仔遲來先上岸，已經啜得如火如荼殊殊聲喇！苦候多時終於登陸，滾熱辣看似腍啤啤，大大口吸入竟然彈滑，完整幼幼長啜長有，上湯散發陣陣菇味雞味可口美妙。拖著大量辣椒油狠狠地吸啜，刺激醒神惹味無敵﹗微辣帶甜，香香的帶少少花椒味道，跟伊麵無比匹配。
錦滷雲吞
26 浏览
0 赞好
0 留言
錦滷雲吞
23 浏览
0 赞好
0 留言
清炒菜芯
32 浏览
0 赞好
0 留言
啫啫雞煲
36 浏览
0 赞好
0 留言
紅棗糕
247 浏览
2 赞好
0 留言
懷舊狗仔粉
34 浏览
1 赞好
0 留言
釀豆腐湯
21 浏览
0 赞好
0 留言
清蒸馬友
11 浏览
0 赞好
0 留言
腐乳蒸排骨
13 浏览
0 赞好
0 留言
炸豆腐
17 浏览
0 赞好
0 留言
凍檸蜜
20 浏览
0 赞好
0 留言
松茸黑蒜湯
17 浏览
0 赞好
0 留言
北菇鴨汁魚唇
12 浏览
0 赞好
0 留言
滷水鴨片
17 浏览
0 赞好
0 留言
滷水鴨片炸豆腐
12 浏览
0 赞好
0 留言
雲苓白术扁豆衣鱆魚粉葛湯
3 浏览
0 赞好
0 留言
清湯牛腩
12 浏览
0 赞好
0 留言
陳皮鴨腿湯
3 浏览
0 赞好
0 留言
陳皮鴨腿湯
19 浏览
0 赞好
0 留言
五珍湯
19 浏览
0 赞好
0 留言
金蠔皮蛋瘦肉粥
15 浏览
0 赞好
0 留言
豉油皇炒麵
7 浏览
0 赞好
0 留言
豉油皇炒麵撈金蠔皮蛋瘦肉粥
13 浏览
0 赞好
0 留言
椒鹽豬扒
13 浏览
0 赞好
0 留言
老黃瓜赤小豆排骨湯
3 浏览
0 赞好
0 留言
生滾魚片粥
7 浏览
0 赞好
0 留言
京蔥燒魚
9 浏览
0 赞好
0 留言
北菇螺片魚唇雞湯
32 浏览
0 赞好
0 留言
滷水拼盤：牛舌、墨魚、生腸
37 浏览
1 赞好
0 留言
上湯伊麵
28 浏览
0 赞好
0 留言
张贴
