三姐松記糖水 (已結業)

要數好食又平的甜品非三姐松記糖水。雖然它位於深水埗，但一d都唔輸一般的甜品店。座位多，未到晚飯時候，所以好多位。餐牌上的甜品種類好多，有熱有凍，任君選擇。因為甜品唔貴，所以我一個人都決定要食兩個。清甜椰皇凍$38如果是夏天的話，Jane一定是凍食。以清甜無比的椰汁加上如白玉般柔滑清爽的椰肉。果凍如jelly,但有好濃郁的椰汁香，加上花奶，簡直一流。南北杏木瓜燉雪耳$29『南北杏銀耳燉木瓜』可說是廣東料理中經典的甜湯。整個甜品非常滋潤，木瓜的份量好多，甜度適中。

晚飯後，當然係時候啟動另一個胃啦！店內環境不錯，枱與枱之間濶落，坐得舒適，店員亦非常有禮貌，加分。三姐松記的甜品選擇非常多，有凍食的，有熱食的，有傳統的紅豆沙芝麻糊等，亦有新派的班戟，心太軟等，還有雞翼等鹹點，啱晒不同人的口味。而我就叫了一個令人喜惡分明的甜品 – 榴槤處處。榴槤處處好似出奇蛋咁，一次過滿足三個願望，因為一個甜品，有三款不同口味，正。D24榴槤班戟，忌廉與榴槤肉比例一流，榴槤肉又香又甜又美味，而且份量亦多；D24榴槤紫米露，榴槤肉同樣又甜又美味，紫米露的質感不杰身亦不過甜，我鐘意；榴槤雪糕，啖啖榴槤味，將榴槤整成雪葩，感覺好清新。整個甜品的配搭一流，絶對推介比鐘意食榴槤的人。然後叫了一個清甜椰皇凍，原個的椰皇配上新鮮椰皇水整成的椰皇啫喱，令人賞心悅目。以椰皇水整成的椰皇啫喱，清潤得來又美味。我們還叫了一個比利時朱古力心太軟配益力多雪糕。心太軟賣相美麗，朱古力香濃，心太軟亦有流心，配上清新的益力多雪糕，非常配合。

是日去深水埗買做手作的材料，lunch後又去三姐松記食糖水。三姐款式又多又新穎，而且很合我口味。正值夏天，當然要點當造的D24榴蓮班戟。再來一個解暑椰皇凍同一個芋圓丸！榴蓮班戟入面塞滿榴蓮、pancake皮又薄又滑，配上適量cream，榴蓮粉絲必點榴蓮味超濃夏天動不動30度，椰皇凍亦是必食。裡面啫喱口感似大菜糕，用上新鮮椰皇水做，加上花奶又香又清甜！男友的芋圓丸都非常不錯，𥚃面十分足料，除芋圓丸，更有番薯丸、薏米、明珠，湯丸等。芋圓丸又大粒又煙靭，配上香芋泥，很有台灣夜市感覺三姐多年來質素依然，價錢又街坊，抵讚👍🏻👍🏻

最近見到三姐松記很多人讚，於是羡名而來，店鋪唔起眼，位置都是元洲街151號，見到餐牌選擇都不少，中西都有，所以同朋友點了3款。首先清甜椰皇凍。用椰皇水原汁原味製成果凍feel, 感覺QQ, 配上花奶，個人覺得不落花奶更清新，熱辣辣天氣很消暑又健康無添加 less is more當我們一邊品嚐，有名像店主開始問我們意見，傾傾下知道原來他們親自做，期間有些街坊打照呼幫趁，越晏越多人，最令我欣賞係甜品不是來貨，親手準備的，他們真心製作甜品❤真的很感動！意大利伯爵茶奶凍配益力多雪糕，奶凍有些木糠，茶味濃不太甜，很吸引！益力多雪糕不太酸，有點雪芭感覺，凍到牙都敏感起來，很清新，一款甜品2種享受！價錢$35實在超值而我最期待就係我最喜歡心太軟啦！幾款心太軟我選了，比利時朱古力💗太軟，益力多雪糕 $48 ，等了20分鐘左右就熱辣辣，嗅到朱古力味，內心已經覺得真係不錯，第1件事就切下睇睇流心先，朱古力噴泉流出，很濃比利時朱古力味，配益力多雪糕，我覺得比雲利拿更清新，益力多味不酸，有點雪芭口感，同濃濃朱古力相反，但覺得幾好喎，無禁漏的感覺！下次我要再黎食埋酒心果款$58，我覺得堅有酒店水準！堅流心，見圖