黃珍珍泰國菜館

营业中

休息中

九龍城嘅泰國餐館多如繁星，每次想食泰國菜，都九成九都去呢度，近年轉型開左唔少文青𝖼𝖺𝖿𝖾老店生意開始退下火線不過，仍然有間三十多年泰菜屹立不倒呢間餐館，由小女孩食到變成中女嘅我得閒都會去食返餐🐟最鍾意係泰式酸辣明爐烏頭魚質較差嘅烏頭本身泥味極重，無論點用香料都掩蓋唔到不過黃珍珍呢條係元朗楊氏烏頭除左烏頭本身魚嘅味道外就無泥味啦～湯頭有好香嘅蕃茄味，辣味唔算濃烈，辣味BB班都食到～🦐生蝦刺身令人非常驚喜平時食開果啲細細仔，無咩咬感呢碟隻隻都有手指公咁粗，開邊後更顯肉厚，蘸上醬汁後食落好豐厚彈牙另外炒嘅菜式都相當唔錯，夠香夠鑊氣菠蘿炒飯嘅菠蘿粒好多，飯粒分明唔油膩本身係點芒果蟹肉炒飯，但店員表示因為當日芒果唔靚停左所有芒果嘅菜式，睇得出佢地重視出品，材料唔靚就唔賣，非常有良心🌷黃珍珍食材本身比其他泰國餐館來得上乘，加上廚師都係泰國人，菜式唔粗製濫造，走一種精緻路線，而且調味適中，更加合乎現代人追求健康嘅口味👍🏻

位於九龍城有31年經營嘅泰菜老店「黃珍珍」越食越好味！呢間餐廳由細食到大，水準還一直在進步。今次最值得讚個咖喱羊，和羊腩煲一樣件件都係用上等羊腩，咖喱香料味道剛好，我差啲連啲汁都飲埋😋😋除咗樣之外仲有豬牛雞海鮮選擇。泰式明爐魚 $218紅咖喱羊腩 $118清邁豆醬炒椰菜苗 $98還很欣賞他們與時並進嘅理念，在門口有專人放賣着已經Pack好嘅外賣飯盒比繁忙嘅都市人，可以唔駛等就買到外賣。值得稱讚👏🏻👏🏻👏🏻

有一段時間冇食泰國嘢，今次嚟到九龍城，順便過嚟呢度食吓泰國菜呢度嘅裝修，燈光都幾佈置得幾靚醃生蝦刺身生蝦刺身醃得好入味，夠冰涼，辣汁辛辣辣得來非常惹味令到蝦肉好肥美既生蝦更鮮甜泰式炒粉 炒粉嘅份量好多，兩個人食都好夠飽，炒得有鑊氣得來又唔會好油膩，而且佢哋嘅蝦肉仲係鮮蝦嚟😋非常高質豬頸肉聞落去好香，豬頸肉燒得非常之香，咬落去好爽脆，配上佢哋嘅自家醬料酸酸地辣辣地，同豬頸肉超級配清邁豆醬炒椰菜苗菜苗口感好幼嫩，好地道嘅清邁豆醬口味😋辣得來食唔停口，值得一試鮮椰汁海帶綠豆冰海帶綠豆冰好足料，配埋椰汁🥥食到咁上下就用用來解辣😚