天外天

一月底嘅時候，帶男朋友去位於Hotel icon 28樓頂層嘅天外天食中菜慶祝生日🎂餐廳分兩邊，一邊裝修比較傳統，氣氛比較溫暖比較適合一家人聚餐；而我哋好開心可以坐到另一邊嘅窗邊，呢邊裝修相對簡樸但十分適合二人慶祝，最重要係可以飽覽成個維多利亞港✨.▫️港式片皮鴨 $398半隻（8.5/10）天外天嘅招牌菜片皮鴨點都要試下～片皮鴨層皮都幾脆，肉嫰得黎夠薄身口感相當好😋餅皮與餅皮之間有點心紙相隔，客人就能夠好輕易方便咁拎起一片包住片鴨食，配上小黃瓜、蒜及特製醬汁，未算好有驚喜但都好好食✧ʕ̢̣̣̣̣̩̩̩̩·͡˔·ོɁ̡̣̣̣̣̩̩̩̩✧.▫️黑豚肉叉燒腸粉 $82 一碟（7/10）男朋友本身好鍾意食叉燒腸，佢覺得呢碟好正❤️腸粉望落幾飽滿，叉燒腸粉中的叉燒份量確實幾多，入口甜甜地係唔錯不過腸粉皮厚咗啲啲同未夠滑身.▫️牛肝菌燒賣 $68 四粒（6/10）見廚師精選，但我哋一致覺得冇咩特別.▫️原隻鮑魚雞粒酥 $136 兩件（9/10）鮑魚幾厚肉彈牙，配上雞粒亦幾夾，至於個曲奇撻皮香脆得黎好好食，令我哋都幾難忘😻.▫️柚子西米香芒布甸 $88 一碗（7/10）有芒果香味之餘清清地唔會太甜，加分💓.▫️北海道牛乳流沙包 $68 三件（7/10

餐廳的服務很好，職員態度殷切， 亦會細心為顧客介紹唔同嘅菜式，同大概份量以供參考。碰巧餐廳剛推出秋季新菜式，菜式新穎，清新可口。 食物整體而言，唔會感覺太油膩，太滯。長腳蟹肉丸伴香芒柚子沙律芒果併柚子做沙律好夾。 蟹肉丸脆口彈牙，帶有淡淡蟹肉香味， 加上芒果柚子沙律一起吃，感覺清新， 係一個唔錯嘅開胃菜。無花果鮮淮山炒黃牛耳無花果入饌，感覺清新美味。 和牛本身味香，鬆軟，再加上新鮮淮山一起炒， 整體感覺唔會覺太heavy。港式片皮鴨皮脆，但整體而言，唔算太有驚喜。荷香豉味雪魚蒸釀豆腐鱈魚豆腐本身淡口，加上豉汁，即刻變得清淡得嚟又惹味。金盞玉如意由多款素菜菌類合併嚟炒，係一道健康清淡嘅菜式。

朋友生日, 選擇了這間店名特別的中菜, 天外天, 一步入店內, 感覺和一般中菜店好不同, 十幾位客人正在嘆緊杯中物, 服務員帶領我們再步入另一邊先係中菜部, 眼前落地玻璃飽覽維港夜景, 可惜我們坐唔到窗邊, 裝修設計唔錯, 店內有大量存酒, 大家點了片皮鴨晚市套餐, 頭盤: 青瓜紅蜇頭, 原隻鮑魚雞粒撻, 五香安格斯脆腩片, 鮑魚算大隻, 味道亦唔錯, 安格斯腩片味道和口感都好特別, 唔講都唔知自己食緊牛, 片皮鴨好有鴨香, 肉質軟硬剛剛好, 生拆蟹肉菜苖羮一般, 宮廷海鮮酸辣羮似上海酸辣湯, 羮內有大大隻蝦, 蝦肉彈牙, 乾燒明蝦球, 蝦肉都係好彈牙, 味道酸酸甜甜, 櫻花蝦帶子蟹肉炒飯, 味道不過不失, 甜品賣相好靚, 但個人唔太好甜品, 所以唔覺有乜特別, 以上套餐每位計, $588, 帶了蛋糕上去, 切餅費盛惠$200, 每位茗茶$30, 不足之處, 光線過份昏暗及上菜太慢.