吉豚屋吉列豬扒專門店

营业中

休息中

成日行開寵物街都見到吾少人阻系度排隊等位食呢間吉列豬扒飯，今次見人少少，吾洗等好耐終於入左去試。鬆脆嘅皮配上厚切豬扒，雖然厚切，但肉質吾會太鞋口，而且珍珠米做底，好有飽足感。仲要今時今日呢個價錢食到日式飯，好化算！滑蛋吉列豬扒飯$59

細佬正日生日，佢特別要求食滑蛋吉列豬扒飯，我就想起呢間！好耐冇食啦🤤滑蛋吉列豬扒飯(梅)套餐 (HK$59)呢個套餐超級抵食，有扒、飯、湯、和嘢飲，所以我哋叫咗2份．吉列豬扒 (80g)：豬扒厚切，啖啖肉，外皮脆口而不會太厚，滿身滑蛋，好正😋．野菜豚肉湯 (大)：味噌湯裡加入野菜和豚肉片，不錯呀．椰果荔枝茶*吉列蝦 (跟梅餐 +HK$5)．外皮脆口而不會太厚，裡面原條蝦肉彈牙爽口。*巨峰玉露 (跟梅餐 +HK$7)．巨峰提子乳酸飲品加藍莓啫喱滑蛋吉列豬扒飯(松) (HK$87)．呢份有2塊80g 吉列豬扒

今日好想食炸豬扒飯，去左旺角吉豚屋吉列豬扒専門店，好吸引超值滑蛋吉列豬扒飯套餐，包括野菜豚肉湯(大)及飲品，加吉列炸蝦1隻($5)，計埋加一都係($70)，好扺食，野菜豚肉湯，啖啖麵豉湯底配上豚肉白紅蘿蔔，豚肉脂肪同肉分明，湯好飲，滑蛋吉列豬扒飯，半生熟滑蛋包括吉列豬扒，豬扒肉唔會好老，肥瘦適中，好好食，吉列炸蝦，內脆外軟，好香口，加埋一杯柑桔檸檬特飲，就好滿足。

朋友多次推介吉豚屋，係旺角冇咩想食，就決定試試呢間。叫咗推介之一滑蛋吉列豬扒飯。有三款大小，好貼心，可以根據個人食量叫梅竹松。我就叫咗竹，120g嘅豬扒。滑蛋吉列豬扒飯製作時間比吉豬定食耐，可能因為需時煮。120g吉列豬扒都係大份，上面仲有d半流心狀嘅滑蛋，送飯一流。優點係吉列豬扒炸得唔嚡口。可能吉列豬扒表頭被滑蛋整淋咗，所以冇咁脆。整體正正常常，$62一個飽肚嘅日式飯。朋友跟餐加大咗個湯，好足料。下次有機會都試下個湯。

午膳時間外出搵食，首嘗「吉豚屋吉列豬扒專門店」這間餐廳。既然餐廳是一間吉列豬扒專門店，沒有其他理由不試這兒的招牌菜。再者，全店只有一款「超值套餐」：滑蛋吉列豬扒飯，確實別無他選。這碗「滑蛋吉列豬扒飯」以帶甜的醬油調味。滑蛋滑感不強，製作稍嫌老火。主角吉列豬扒外皮雖然不太脆，但勝在夠薄且不油膩。豬扒質感都算鬆軟，整體來説評價正面。作為店中唯一的「超值套餐」，每客套餐俱送上一碗「野菜豚肉湯」及一杯餐飲。相比坊間常見的麵豉湯，這碗份量十足的「野菜豚肉湯」明顯更見誠意。野菜及豚肉湯料豐富，適量蘿蔔的投入令湯汁帶甜。餐飲除了一般汽水咖啡茶外，更有四款特飲選擇。餐廳的招牌「滑蛋吉列豬扒飯」評價正面，加上以「超值套餐」型式出現，更見吸引力。

這店小小, 沒有大枱, 反而4人卡位有不少, 所以同同事剛好4人, 就試試。午市都有幾款精選套餐, 可配飲品或湯, 另外都有一些套餐, 但就要加$5有飲品或湯。呢間係食最厲害的吉列產品, 我見平平地, 就揀左滑蛋吉列豬扒飯餐滑蛋吉列豬扒飯- 炸得剛好, 麵包糠雖表明炸好後未有足夠時間隔油, 所以都泛出部分油, 但這可確保客人熱食炸物。豬扒有肉汁, 炸漿厚度適中而炸的時間又剛好, 豬肉嫩滑入口鬆軟, 配上嫩滑半熟的滑蛋, 減低油膩感。巨峰乳酸特飲- 乳酸味都多, 但無咩提子味, 而且太多冰, 味道非常淡。食一餐日式丼只需5X蚊, 都算便宜