吉豚屋吉列豬扒專門店

营业中

休息中

最鍾意食呢度嘅滑蛋豬扒飯疫情關係，唯有買外賣返屋企食當然外賣質素一定冇堂食咁好不過豬扒依然啖啖肉，加埋和風醬汁甜甜地地送飯一流即使豬扒炸過都唔會好油膩，如果堂食嘅話直頭卜卜脆添，不過外賣就一定爭少少㗎啦略嫌滑蛋唔夠多，如果再多啲就好啦

唔止一次講過我都幾鐘意黎呢度食晏嘅，因為本身lunch time已經過左3點後，所以每次黎都已經有下午餐牌。有興趣都可以睇番之前嘅食評，我最鐘意呢度夠自由，意思係如果你想cheap cheap地食個飯又得；驚下午茶太細份唔夠飽又可以點正常份量嘅午餐。滑蛋豬扒飯 $27都係果句，男士可能會覺得唔夠，不過我就覺得啱啱好，加埋一都係三十幾蚊~豬扒就唔係極級好食，但至少唔會老鬼到死~吉列雞扒烏冬 $32不嬲都覺得呢度嘅吉列雞好食啲，雞扒冇咁容易韌，亦都冇豬扒咁乾身。烏冬都幾大碗~而且烏冬質感都算唔錯啦，湯底唔會過鹹~加$5有杯飲品~