丼丼屋 (已結業)

跟餐飲品,唔使加$,味道唔似溝出黎既果汁,唔錯!滑蛋同汁都唔錯,多汁所以飯較濕,可惜雞肉麻麻~值得提係雞肉有去皮,而醃蘿蔔乾幾好食!仲有,飯份量較多,如果係女仔黎食,完全可以兩個share,加個薯餅就岩岩好~!我今日剩左一半飯,實在浪費~一流~芝士同薯仔蓉非常夾,炸得又酥脆~炸皮薄,筷子一夾就分開,但貴左好多,依家要$38一份

屯門市廣場開左好多呢類日式食店，呢個位前身係元綠，開左一年左右！呢間主打飯類、小食and雪糕新地。佢門口D滑蛋飯圖片已經好吸引！不過，最唔鍾意係佢地的打招呼方法一入去會全部侍應叫，真係嚇鬼死，我地坐bar台位，佢地一有人入黎又叫，真係咪話唔驚！我知呢D係佢地的禮貌，但我認為招呼我果個講咪得囉！比大家睇圖，大家認為點呢？價錢都算實惠！上菜時間都好快！嘩，呢個滑蛋雞肉飯($48)，簡直係JUICY，雞肉份量充足！Ｄ雞蛋汁好香甜，好滑，撈埋Ｄ飯一齊食真係一流！飯又唔會淋，我只用了10分鐘已經ＫＯ哂！同事的鰻魚飯未到我已經食左一半！終於出場喇！鰻魚飯($98)係連石頭鍋上，熱辣辣嫁！睇下Ｄ鰻魚，份量十足，厚度一流，絕無取巧！我本身都唔係特別愛食鰻魚，但間中食下都唔錯，我試左一件，肉質好嫩滑，啖啖肉，連埋Ｄ汁真係絕配！再加上飯焦唔會過燶！食落口好非常香脆！粒粒飯都覺得好香，用石頭鍋上零舍唔同！

呢一日到屯門區外出工作，午飯的時候與同事選了屯門市廣場這一間丼丼屋。先看餐牌，內裡的選擇有很多，真令人花多眼亂。最後我選了滑蛋雞肉飯，同事則分別選擇了雜菜天婦羅烏冬及牛肉湯烏冬。套餐包括滑蛋雞肉飯、麵豉湯及沙律。滑蛋及雞肉在飯上面鋪得滿滿的，滑蛋看起來不錯，蛋汁夠流質，沒有煮得過熟。雞肉份量也算多，可是老了一點，但配起滑蛋汁加洋蔥一起吃也不錯。飯是粒粒圓圓飽滿的珍珠米，煮得剛好，沒有過軟或過硬的情況出現。這個滑蛋雞肉飯整體不錯，只是滑蛋汁有點過多，到最底時有點＂水浸＂的情況。餐後用優惠價$10加了一個迷你北海道牛奶軟雪糕，份量不太多，看起來像是富豪軟雪糕的質感，吃起來也是，奶味不算濃，試過一次便算。